Monday, March 21, 2016

Actress - Sanjana at Sardaar Audio Launch Photos

Actress - Kajal Agarwal at Sardaar Audio Launch Photos

ఆ ఒక్క తమిళ సినిమానే దిక్కు

March 19th, 2016, 09:20 AM IST

తెలుగు సినిమా ఈ వారం ఎదుర్కొంటున్నంత గడ్డు పరిస్థితి గత కొన్నేళ్లలో ఎప్పుడూ ఎదుర్కొని ఉండదేమో. ఏదైనా భారీ సినిమా బాగా ఆడుతుంటే.. కొత్త సినిమాలేవీ విడుదల కాకుండా ఖాళీగా వదిలేసిన సందర్భాలు కొన్ని ఉన్నాయి. సంక్రాంతి తర్వాతి వారం ఇలాగే ఏ సినిమా కూడా రిలీజ్ కాలేదు. ఐతే ఇప్పుడు పరిస్థితి అలా లేదు. ఆల్రెడీ థియేటర్లలో చెప్పుకోదగ్గ సినిమాలున్నాయి కానీ వాటికీ కలెక్షన్లు లేవు. కొత్తవేమైనా సత్తా చూపిస్తాయేమో అనుకుంటే.. ఈ శుక్రవారం ఓ మోస్తరు సినిమా కూడా ఏదీ రాలేదు.

ఉన్నంతలో తమిళ డబ్బింగ్ మూవీ ‘కథకళి’ మేలు. శుక్రవారం విడుదలైన నాలుగైదు సినిమాల్లో ఇదొక్కటే ఓ మోస్తరుగా జనాల్ని థియేటర్లకు రప్పిస్తోంది. దీనికి టాక్ కూడా పర్వాలేదు. థ్రిల్లర్ సినిమాల్ని ఇష్టపడేవారిని విశాల్ మూవీ ఆకట్టుకుంటోంది. ఇక ఈ వారం విడుదలైన తెలుగు సినిమాల గురించి ఎంత తక్కువ చెప్పుకుంటే అంత మంచిది.

‘దృశ్యకావ్యం’ అంటూ మంచి పబ్లిసిటీ చేసి ఓ సినిమా వదిలారు. దానికంత ‘దృశ్యం’ లేదని తేలిపోయింది. ఈ సినిమాకు థియేటర్లు బాగానే ఇచ్చారు కానీ.. జనాలకు పెద్దగా ఆనట్లేదు. ఇక శివాజీ నటించిన ‘సీసా’ గురించి మాట్లాడేవాళ్లే లేరు. రొమాన్స్ విత్ ఫైనాన్స్ అంటూ ఇంకో సినిమా వచ్చింది దాని పరిస్థితి ఇంతే. ఐతే వచ్చే బుధవారం నుంచి బాక్సాఫీస్ మళ్లీ కళకళలాడే అవకాశముంది. ఆ రోజు సందీప్ కిషన్ సినిమా ‘రన్’ వస్తుంది. ఇంకో రెండు రోజులకే ‘ఊపిరి’ థియేటర్లలోకి దిగుతుంది. కాబట్టి తెలుగు సినిమా స్లంప్ ఇంకో నాలుగు రోజులే అన్నమాట.

- See more at: http://telugu.gulte.com/tmovienews/14175/VIshal-Kathakali-is-the-only-movie-to-watch-this-week#sthash.pnvk5Yn0.dpuf

సర్దార్ పాసులు ఎంత పలుకుతున్నాయ్..

ఒకప్పుడు సినిమా టికెట్లు మాత్రమే బ్లాక్‌లో అమ్మేవాళ్లు. కానీ ఇప్పుడు ఆడియో వేడుకల పాస్‌లు సైతం వేలం పాట వేసే అమ్మేసే రోజులు వచ్చేశాయి. బ్లాక్‌లో టికెట్టు కొని థియేటర్లోకి వెళ్తే తెర మీద బొమ్మ మాత్రమే చూడొచ్చు. కానీ ఆడియో ఫంక్షన్ పాస్ తీసుకుంటే.. తమ అభిమాన కథానాయకుడిని నేరుగా చూసుకోవచ్చు. ఇంకా చాలామంది సెలబ్రెటీల్ని చూడొచ్చు. చాలా కార్యక్రమాల్ని ఆస్వాదించొచ్చు. గోల చేయొచ్చు.. కేరింతలు కొట్టొచ్చు.. అదృష్టం బాగుంటే తమ అభిమాన కథానాయకుడికి కొంచెం దగ్గరగా వెళ్లి ఫొటో కూడా దిగొచ్చు. అందుకే పెద్ద హీరోల ఆడియో ఫంక్షన్లకు సంబంధించిన పాస్‌లకు డిమాండ్ బాగా పెరిగిపోయింది ఈ మధ్య.

పవన్ కళ్యాణ్, మహేష్ బాబు, ఎన్టీఆర్ లాంటి హీరోల ఆడియో వేడుకలకు వేలకు వేలు పోసి.. పాస్‌లు సంపాదిస్తున్నారు అభిమానులు. మా హీరో సినిమా టికెట్ ఇంత పలికింది అని గొప్పలు చెప్పుకున్నట్లే.. ఆడియో ఫంక్షన్ల పాస్‌లకు సంబంధించి వేలం పాటల వివరాల్ని కూడా సోషల్ మీడియాలో ఘనంగా షేర్ చేస్తున్నారు ఫ్యాన్స్. ఈ ఆదివారం జరగబోయే ‘సర్దార్ గబ్బర్ సింగ్’ ఆడియో ఫంక్షన్ పాస్‌లు కూడా ఒక్కొక్కటి కొన్ని వేలల్లో అమ్ముడుబోతున్నాయట. అభిమాన సంఘాల ద్వారా పాస్‌లు దక్కించుకున్నవాళ్లు.. వీటికి ఉన్న డిమాండ్‌ను క్యాష్ చేసుకుంటూ బేరం పెడుతున్నారు. కొందరు ఆన్ లైన్లో సైతం వీటిని సేల్‌కు పెడుతున్నారు. ‘సర్దార్..’ ఆడియో వేడుక రోజు నాటికి ఈ పాస్‌లకు విపరీతమైన డిమాండ్ ఏర్పడే అవకాశముంది. ఆ రోజు వెన్యూ ముందు పాస్‌లు బేరానికి పెడితే అనూహ్యమైన ధరలు పలకడం ఖాయం.

- See more at: http://telugu.gulte.com/tmovienews/14176/Sardaar-Gabbarsingh-Audio-Launch-Passes-Costs-Bomb#sthash.VwxMyHHZ.dpuf

తేజతో అతడు.. పుష్కరం తర్వాత

డైరెక్టర్ తేజ.. చాలామంది నటీనటులకు లైఫ్ ఇచ్చాడు. నవదీప్ కూడా అతను పరిచయం చేసిన వాడే. తాను పరిచయం చేసిన కొంతమందికి తలపొగరు ఎక్కువై తననే పట్టించుకోని స్థితికి వచ్చేశారని.. కానీ కొందరు మాత్రం తన మేలు మరిచిపోలేదంటూ.. ఆ జాబితాలో నవదీప్ పేరు కూడా చెప్పాడు తేజ ఆ మధ్య.

ఐతే ప్రస్తుతం తేజ ఎలాంటి ఇబ్బందుల్లో ఉన్నాడో.. నవదీప్ కూడా అలాగే కష్టాల్లో ఉన్నాడు. ఈ టాలెంటెడ్ హీరోకు తెలుగులో అవకాశాలే లేవు. ఈ పరిస్థితుల్లో తన కొత్త సినిమాలో తేజ...నవదీప్‌కు హీరోగా ఛాన్సివ్వడం విశేషం. సరిగ్గా పుష్కరం కిందట వీళ్లిద్దరి కాంబినేషన్లో ‘జై’ సినిమా వచ్చింది. అది ఫ్లాపైనా.. నవదీప్ టాలెంట్ ఏంటో ఇండస్ట్రీకి తెలిసిందే. ఆ తర్వాత మంచి మంచి అవకాశాలు అందుకుని తనకంటూ ఓ గుర్తింపు తెచ్చుకున్నాడు నవదీప్.

మళ్లీ ఇన్నేళ్లకు తేజ దర్శకత్వంలో నవదీప్ నటించడం విశేషమే. ‘అహం’ పేరుతో తెరకెక్కుతున్న ఈ సినిమాలో బ్రహ్మాజీ కూడా ఓ కీలక పాత్ర పోషిస్తున్నాడు. అతడిది కూడా హీరో స్థాయి పాత్రేనట. ఈ చిత్రంలో రాజశేఖర్ విలన్ క్యారెక్టర్ చేయబోతున్న సంగతి తెలిసిందే. ఆయన పాత్రను చాలా వైవిధ్యంగా తీర్చిదిద్దాడట తేజ. రాజశేఖర్, నవదీప్, తేజ.. ఈ ముగ్గురికీ కూడా ‘అహం’ చాలా చాలా కీలకం. ఈ సినిమాతో ముగ్గురి కెరీర్ మలుపు తిరుగుతుందేమో చూద్దాం మరి.

నాగ్ అల్లు అర్జున్ తో కలిస్తే రచ్చే

కెరీర్ లో ఎప్పుడూ లేనంత హాయిగా, హ్యాపీగా ఉన్నారు నాగార్జున. దీనికి కారణం వరస విజయాలు.. మరో కారణం విభిన్నమైన క్యారెక్టర్లు. మనం, సోగ్గాడే చిన్నినాయనా వంటి చిత్రాల్లో ఎప్పటికీ గుర్తుండిపోయే పాత్రల్లో నటించాడు నాగ్. ఇక ఇప్పుడు ఊపిరిలోనూ అలాంటి పాత్రే చేసాడు. కుర్చీకే అంకితమయ్యే బిలియనియర్ పాత్రలో నటించాడు గ్రీకువీరుడు. ఈ సినిమాలో నటించిన తర్వాత నాగార్జున మనసు మార్చుకున్నాడు. ఇకపై మల్టీస్టారర్స్ కే ఎక్కువ ప్రాధాన్యత ఇవ్వాలని డిసైడ్ అయ్యాడు నాగార్జున. ఇమ్మీడియట్ గా ఈ ప్లాన్ ను ఇంప్లిమెంట్ చేయాలని చూస్తున్నాడు.

నాగార్జున ప్రస్తుతం ఊపిరి ప్రమోషన్స్ లోనే బిజీగా ఉన్నాడు. ఈ సినిమా తర్వాత మూడు సినిమాలు లైన్ లో ఉన్నాయి. ఒకటి కళ్యాణ్ కృష్ణ దర్శకత్వంలో బంగార్రాజు.. మరొకటి రాఘవేంద్రరావ్ తో నమో వెంకటేశా.. ఇంకోటి త్రివిక్రమ్ తో ఓ సినిమా. వీటిలో త్రివిక్రమ్ సినిమానే ముందు తెరకెక్కనుందని సమాచారం. ఇందులో నాగార్జున సోలో హీరో కాదు.. అల్లు అర్జున్ తో కలిసి ఈయన నటించబోతున్నారనే వార్తలు వినిపిస్తున్నాయి. ఇప్పటికే త్రివిక్రమ్ చెప్పిన కథ నాగ్ కు బాగా నచ్చిందని సమాచారం.

ఇప్పటికే కార్తితో కలిసి నటించిన నాగ్.. అన్నీ కుదిర్తే బన్నీతో నటించడం కూడా ఖాయమే. ఇదే ఊపులో మరిన్ని మల్టీస్టారర్స్ కు కూడా నాగార్జున ఓకే చెప్పేస్తున్నారు. తమిళ హీరో సూర్యతో నాగార్జున ఓ సినిమాలో కలిసి నటించబోతున్నారనేది తాజాగా వినిపిస్తున్న వార్త. ఇక ఎన్టీఆర్ తో కలిసి నటించడానికి ఎప్పట్నుంచో వేచి చూస్తున్నా.. కథ కుదిర్తే చేస్తానంటూ ఈ మధ్యే ఓ ఇంటర్వ్యూలో చెప్పాడు నాగార్జున. మొత్తానికి వయసు పిలిచే సరికి మనసు మార్చుకోక తప్పలేదు మన గ్రీకువీరుడికి.

- See more at: http://telugu.gulte.com/tmovienews/14182/Nagarjuna-and-Allu-arjun-In-Trivikram-Movie#sthash.vYsee9Xw.dpuf

రాజమౌళిని పర్మిషన్ అడిగావా సునీల్..?

హిట్ కొట్టాలంటే ఏదో ఒకటి చేయాలి.. ఎందుకంటే ఇండస్ట్రీలో విజయం లేకపోతే విలువ ఉండదు. ఎంత పెద్ద స్టార్ హీరో అయినా పర్లేదు ఒక్కసారి ఫ్లాపుల్లో పడితే ఉండే తలనొప్పులే వేరు. పైకి అంతా బాగానే ఉన్నట్లు కనిపించినా.. లోపల మాత్రం చాలా తేడాలు వచ్చేస్తాయి. తనకు అలాంటి పరిస్థితులు రాకూడదని ఇప్పట్నుంచే జాగ్రత్త పడుతున్నాడు సునీల్. ఈయన హిట్ అనే మాట విని నాలుగేళ్లు దాటిపోయింది. అప్పుడెప్పుడో వచ్చిన పూలరంగడు తర్వాత సునీల్ కు మరో విజయం రాలేదు.

మిస్టర్ పెళ్లికొడుకు, భీమవరం బుల్లోడు, కృష్ణాష్టమి.. ఇలా వచ్చిన సినిమాలన్నీ వచ్చినట్లే చాప చుట్టేసాయి. ప్రస్తుతం వీరుపోట్లతో ఈడు గోల్డ్ ఎహే, వంశీ కృష్ణ ఆకెళ్లతో ఓ సినిమా చేస్తున్నాడు సునీల్. వంశీ సినిమాకు జక్కన్న అనే ఆసక్తికరమైన టైటిల్ పెట్టారు దర్శకనిర్మాతలు. జక్కన్న అంటే ఇండస్ట్రీలో వెంటనే గుర్తొచ్చేది రాజమౌళి. తన సినిమాను ఓ శిల్పంలా చెక్కుతాడని ఎన్టీఆర్ అతడికి ఈ ముద్దుపేరు పెట్టాడు. తర్వాత ఇదే పాపులర్ అయిపోయింది కూడా. ఇప్పుడు ఇదే టైటిల్ ను సునీల్ తన సినిమా కోసం టైటిల్ గా వాడుకున్నాడు. జక్కన్న ఎంటర్ టైన్ మెంట్ తో పాటు... యాక్షన్ ప్యాక్డ్ గా తెరకెక్కుతోంది. మరి చూడాలి.. కనీసం రాజమౌళి ముద్దుపేరైనా సునీల్ కు విజయం తీసుకొస్తుందో లేదో..?

- See more at: http://telugu.gulte.com/tmovienews/14183/Sunil-uses-Rajamouli-Nick-name-for-his-next#sthash.4NlTsf4G.dpuf

కెరీర్ చివర్లో దెయ్యం వేశాలు..

స్టార్ ఇమేజ్ ఉన్నపుడు... నేను ఇలాంటి పాత్రలు మాత్రమే చేస్తాను.. ఇవి చేయను.. నాకవి కావాలి.. ఇవి కావాలి.. అని గొంతెమ్మ కోర్కెలు కోరతారు. ఒక్కసారి ఇమేజ్ పోయిందంటే ఇండస్ట్రీలో విలువ ఇచ్చేవారు కంటికి కనిపించరు. ఒకప్పుడు సార్ సార్ అంటూ భజన చేసేవాళ్లే... ఇమేజ్ లేకపోతే కనీసం దండం కూడా పెట్టరు. హీరోయిన్ల విషయంలోనూ అంతే. స్టార్ హీరోయిన్ గా ఉన్నపుడు వాళ్లు చేసే హంగామా...వేసే వేశాలు అన్నీ ఇన్నీ కావు. ఆ భ్రమలోనే ఉంటూ కొన్నాళ్లూ అవకాశాలకు కూడా దూరమవుతారు. కానీ త్రిష మాత్రం తన ఇమేజ్ ఏంటో ముందే తెలుసుకుంది. అందుకే చిన్న సినిమాలైనా పర్లేదని అన్నింటికి ఓకే చెప్పేస్తోంది.

కెరీర్ లోనే ఫస్ట్ టైమ్ ఇప్పుడు ఓ దెయ్యంగా నటిస్తోంది త్రిష. నాయకి అనే సినిమాలో ఈ చెన్నై చంద్రం ఘోస్ట్ గా రెచ్చిపోనుంది. ఈ సినిమాను గోవి డైరెక్ట్ చేస్తున్నాడు. ఈయన తొలి సినిమా లవ్ యూ బంగారం. మారుతి స్కూల్ నుంచి వచ్చిన ఈ దర్శకుడు.. తొలి సినిమాలో కావాల్సినంత బూతును మిక్స్ చేసి విమర్శలు కూడా అందుకున్నాడు. అలాంటి దర్శకుడికి త్రిష ఇప్పుడు ఓకే చెప్పింది. ఈ మధ్యే టీజర్ కూడా బయటికి వచ్చేసింది. డైరెక్టర్ ఫస్ట్ చిత్రం రిజల్డ్ గురించి పక్కన పెడితే... త్రిష ఇందులో ఉండటమే సినిమాకు పెద్ద ప్లస్. రెండు భాషల్లోనూ త్రిషకున్న ఫాలోయింగ్ తో నిర్మాతలు బిజినెస్ చేసేస్తారు. మరి కొన్న బయ్యర్లు ఎంతవరకు సేఫ్ అవుతారనేది చూడాలి. కెరీర్ చివర్లో త్రిష ప్రేక్షకుల్ని ఎలా భయపెట్టనుందనేది ప్రస్తుతానికి సస్పెన్స్...

- See more at: http://telugu.gulte.com/tmovienews/14184/Trisha-In-Nayaki-Movie-as-Devil#sthash.gh7dd9TA.dpuf

అమీర్ ఆశపడ్డాడు.. షారుఖ్ చేసేస్తున్నాడు

సన్నీ లియోన్ ఓ పోర్న్ స్టార్.. కానీ అది గతం. ఇప్పుడామె మాంచి డిమాండ్ ఉన్న బాలీవుడ్ నటి. హీరోయిన్‌గా చేయించుకుంటే హీరోయిన్‌గా చేయించుకోవచ్చు.. లేదంటే గెస్ట్ రోల్ చేయడానికైనా రెడీ.. అవసరమైతే ఐటెం సాంగ్‌లో ఆడి పాడ్డానికైనా సిద్ధం. ఆమె క్రేజ్‌ను వాడుకున్నోళ్లకు వాడుకున్నంత. ఆ మధ్య ఓ ఇంటర్వ్యూలో ఓ పెద్ద జర్నలిస్టు.. మీ లాంటి పోర్న్ స్టార్‌తో కలిసి నటించడానికి అమీర్ ఖాన్ ఒప్పుకుంటాడా అంటూ సన్నీని అవమానించేలా ప్రశ్నించాడు. దానికి ఆమె ఏం సమాధానం ఇచ్చిందన్నది పక్కనబెడితే.. సన్నీతో నటించడానికి తనకే అభ్యంతరం లేదని.. ఫ్యూచర్లో ఆమెతో కలిసి నటిస్తానని ప్రకటించాడు అమీర్. ఐతే అమీర్‌తో ప్రతి విషయంలోనూ పోటీ పడే షారుఖ్ ఖాన్.. తన శత్రువు కంటే ముందు సన్నీతో కలిసి తెర పంచుకునే అవకాశాన్ని కొట్టేయాలనుకున్నట్లున్నాడు. తన కొత్త సినిమా ‘రాయీస్’లో సన్నీతో కలిసి స్టెప్పులేయడానికి రెడీ అయిపోతున్నాడు షారుఖ్. ఈ సినిమాలో సన్నీ ఐటెం సాంగ్ చేయబోతుండటం.. అది కూడా ఓ ఫేమస్ హిందీ పాటకు రీమిక్స్ కావడం విశేషం.

బాలీవుడ్ క్లాసిక్ సాంగ్స్‌లో ఒకటైన ‘లైలా ఓ లైలా’ పాటకు నృత్యం చేయబోతోంది సన్నీ లియోన్. ‘ఖుర్బాని’లోని ఈ పాట ఇండియన్ ఫిలిం హిస్టరీలోనే ఓ మైల్ స్టోన్. అలాంటి పాటను ‘రాయీస్’ కోసం రీమిక్స్ చేస్తున్నారు. ఇదే విశేషమంటే ఆ పాటలో సన్నీ, షారుఖ్ కలిసి డ్యాన్స్ చేయబోతుండటం ఇంకా పెద్ద విశేషం. ఈ పాటను సన్నీతో చేయిద్దామని స్వయంగా షారుఖ్ ఖానే చెప్పాడట. రాహుల్ డోలాఖియా దర్శకత్వం వహిస్తున్న ‘రాయీస్’లో షారుఖ్ అండర్ వరల్డ్ డాన్‌ పాత్రలో నటిస్తున్నాడు. ఆ మధ్య రిలీజైన ‘రాయీస్’ టీజర్‌కు అద్భుతమైన స్పందన వచ్చింది. ఈ ఏడాది రంజాన్ రోజు ఈ చిత్రం ప్రేక్షకుల ముందుకు రానుంది. దాని కంటే ముందు ఏప్రిల్ 15న ‘ఫ్యాన్’ సినిమాతో పలకరించబోతున్నాడు కింగ్ ఖాన్.

- See more at: http://telugu.gulte.com/tmovienews/14185/Sunny-Leone-in-Shah-Rukh-Khans-Raees#sthash.jgIdiL9H.dpuf

గుణశేఖర్‌కు వందేళ్ల పుస్తకం దొరికింది

ఎన్నో వ్యయ ప్రయాసలకు ఓర్చి ‘రుద్రమదేవి’ సినిమా తీశాడు గుణ. విడుదలకు ముందు కూడా అతను ఎన్నెన్ని కష్టాలు పడ్డాడో అందరికీ తెలిసిందే. ఐతే రూ.70 కోట్ల బడ్జెట్‌తో ఈ సినిమా తీసిన గుణ.. నిండా మునిగిపోవడం ఖాయమని చాలామంది అంచనా వేశారు కానీ, అతను చివరి తక్కువ నష్టాలతోనే బయటపడ్డాడు. ‘రుద్రమదేవి’ అంచనాల్ని మించి ఆడింది. గుణ మళ్లీ ఇంకో సాహసం చేయడానికి కావాల్సిన ఉత్సాహాన్ని ఇచ్చింది. ‘రుద్రమదేవి’ తాలూకు స్ట్రెస్ నుంచి బయటపడ్డానికి ఓ ఆర్నెల్ల దాకా విశ్రాంతి తీసుకున్న గుణ.. ఇప్పుడు తన తర్వాతి ప్రాజెక్టు పని మొదలుపెట్టాడు. ‘రుద్రమదేవి’ చివర్లోనే ‘ప్రతాపరుద్రుడు’ పేరుతో తన తర్వాతి సినిమాను తెరకెక్కించబోతున్నట్లు హింట్ ఇచ్చాడు గుణ.

మధ్యలో ‘గోనగన్నారెడ్డి’ సినిమా తెరమీదికి వచ్చింది కానీ.. తర్వాత ఆ ప్రయత్నాలు పక్కనబెట్టేసి ‘ప్రతాపరుద్రుడు’ చేయడానికే రెడీ అయ్యాడు గుణ. ఈ సినిమాలో హీరో బాలకృష్ణ అని.. ప్రభాస్ అని.. రకరకాల ఊహాగానాలు వినిపించాయి. ఐతే ఆ రూమర్లన్నింటినీ ఖండించిన గుణ.. సైలెంటుగా స్క్రిప్టు మీద పని చేసుకుంటున్నాడు. ఇండియాలో చిట్టచివరి రాజు అయిన ప్రతాపరుద్రుడి గురించి తెలుసుకునేందుకు లైబ్రరీల మీద పడ్డాడు. చరిత్రకారుల్ని కలుస్తున్నాడు. ఈ క్రమంలో అతడికి ఓ అద్భుతమైన పుస్తకం దొరికిందట. శతాబ్దం కిందట, 1910లో రాసిన ‘హిందూ మహాయుగము’ అనే పుస్తకాన్ని సంపాదించాడు గుణ. ఇందులో ప్రతాపరుద్రుడి గురించి కూడా చాలా సమాచారం ఉందట. ఈ పుస్తకం తన సినిమాకు చాలా ఉపయోగపడుతుందని సంబరపడుతున్నాడు గుణ. ఈ విషయాన్ని ట్విట్టర్లో కూడా షేర్ చేసుకుని సంతోషించాడు గుణ. మొత్తానికి ‘ప్రతాపరుద్రుడు’ కోసం గుణ బాగానే కష్టపడుతున్నాడన్నమాట.

- See more at: http://telugu.gulte.com/tmovienews/14186/Gunasekhar-got-a-book-100-years-old-#sthash.Cc3IwteK.dpuf

ఆ సినిమా బడ్జెట్ కంటే రీమేక్ రేటు ఎక్కువ

పెద్దగా అంచనాల్లేకుండా వచ్చి.. సెన్సేషనల్ హిట్టయింది ‘క్షణం’ సినిమా. టాలీవుడ్లో ఈ మధ్య కాలంలో ఈ సినిమాకు వచ్చినన్ని ప్రశంసలు మరే సినిమాకూ రాలేదు. ఇండస్ట్రీ జనాలందరూ కూడా ఈ సినిమా గురించి మాట్లాడ్డానికి చాలా ఉత్సాహం చూపించారు. బాలీవుడ్లో సైతం ‘క్షణం’ హాట్ టాపిక్ అయింది. తరణ్ ఆదర్శ్ లాంటి వాళ్లు ఈ సినిమా చూసి చాలా ఇంప్రెస్ అయ్యారు. పీవీపీ సంస్థ బాలీవుడ్ సెలబ్రెటీలకు ఈ సినిమా స్పెషల్ షో వేసి చూపించింది. ఆ షో చూసి వెంటనే పొట్లూరి వరప్రసాద్ చేతిలో అడ్వాన్స్ పెట్టేశాడట బాలీవుడ్ బడా ప్రొడ్యూరసర్ సాజిద్ నడియాడ్ వాలా. ఈ సినిమా బడ్జెట్ కంటే ఎక్కువ మొత్తం రీమేక్ రైట్స్ కింద ఇచ్చినట్లు సమాచారం.

రేటు ఎంత అని చెప్పలేదు కానీ.. సాజిద్ ఫ్యాన్సీ ప్రైస్ ఇచ్చి ‘క్షణం’ రీమేక్ రైట్స్ తీసుకున్న మాట వాస్తవమని స్వయంగా హీరో అడివి శేషే చెప్పాడు. ఐతే ‘క్షణం’ బాలీవుడ్ రీమేక్‌లో తనే నటించబోతున్న విషయాన్ని అతను ఖండించాడు. ‘క్షణం’ కారణంగా తనకు బాలీవుడ్ నుంచి తనకు ఆఫర్లు వస్తున్న మాట వాస్తవమని.. ఐతే ‘క్షణం’ రీమేక్ లో మాత్రం తాను నటించట్లేదని చెప్పాడు శేష్. అసలు ఆ సినిమాలో ఎవరు నటించబోతున్నారో కూడా తనకు తెలియదన్నాడు. ‘క్షణం’ కథ రాయడంతో పాటు.. డైరెక్టర్ రవికాంత్ పేరెపుతో కలిసి ఈ సినిమాకు స్క్రీన్ ప్లే కూడా రాశాడు శేష్. మరి పీవీపీ భారీ లాభాలు తెచ్చిపెట్టడంతో పాటు.. రీమేక్ రైట్స్, శాటిలైట్ రైట్స్ ద్వారా కూడా భారీగా ఆదాయం తెస్తున్న నేపథ్యంలో అందులో శేష్ కు ఎంత వాటా ఇస్తున్నారో మరి.

- See more at: http://telugu.gulte.com/tmovienews/14187/Remake-Rights-more-than-the-movie-budget#sthash.qlb5haXn.dpuf

పవన్‌కే పంచ్ పడితే..

చెప్పేవాడికి వినేవాడు లోకువ అంటారు. ప్రెస్ మీట్లు పెట్టినపుడు మన సినీ తారలు.. రాజకీయ నాయకులు ఈ తరహాలోనే మాట్లాడుతుంటారు. ముఖ్యంగా రాజకీయ నాయకులకు ఈ లక్షణం ఎక్కువుంటుంది. మీడియా వాళ్లు ఏదైనా ఇబ్బందికర ప్రశ్న వేస్తే.. వాళ్ల మీదికి పంచ్‌లు విసిరేస్తుంటారు. జర్నలిస్టులకు పొలిటికల్ ఉద్దేశాలు ఆపాదించి.. పంచ్‌లు వేయడం మన నాయకులకు బాగానే అలవాటు. పవర్ స్టార్ పవన్ కళ్యాణ్ కూడా రాజకీయ నాయకుడే కదా.. మన పొలిటికల్ లీడర్ల తరహాలోనే పంచ్ వేయబోయాడు. ఐతే ఓ విలేకరి ఆయనకు తిరిగి పంచ్ వేసి షాకిచ్చాడు.

నిన్న పవన్ కళ్యాణ్ అనుకోకుండా ఓ ప్రెస్ మీట్ పెట్టి విలేకరులతో మాట్లాడిన సంగతి తెలిసిందే. ఈ సందర్భంగా ఓ విలేకరి పవన్‌ను రాజకీయాలకు సంబంధించిన ప్రశ్న వేశాడు. దీంతో పవన్‌కు కోపం వచ్చేసింది. ‘‘మీరు సినిమా జర్నలిస్టా.. పొలిటికల్ జర్నలిస్టా’’ అంటూ పంచ్ వేశాడు. ఐతే ఆ విలేకరి ఏమాత్రం తొణక్కుండా.. ‘‘మీరు సినీ హీరో అలాగే పొలిటీషియన్ కద సార్’’ అన్నాడు. అంతే పవన్ ఇక దీని మీద ఏమీ మాట్లాడ్డానికి వీల్లేకపోయింది. అయినా మొన్న బాలీవుడ్ క్రిటిక్ అనుపమ చోప్రాకు ఇంటర్వ్యూ ఇచ్చినపుడు సినిమాల మీదా మాట్లాడాడు.. రాజకీయాల ప్రస్తావన కూడా తెచ్చాడు పవన్. మరి ఆమె దగ్గర లేని ఇబ్బంది.. మన తెలుగు జర్నలిస్టుల దగ్గర ఏమొచ్చింది..? వ్యక్తుల ప్రైవేటు జీవితాలు వాళ్లిష్టం.. పబ్లిక్ లైఫులోకి వస్తే ఏమైనా అంటాం.. అన్నాడో మహాకవి. అలాగే ప్రెస్ మీట్ పెట్టినపుడు జర్నలిస్టులు కూడా ఏ ప్రశ్న అయినా అడగొచ్చండోయ్.

- See more at: http://telugu.gulte.com/tmovienews/14190/Pawan-shocks-with-Journalists-Punch#sthash.jRGcykjt.dpuf

ఆ సినిమా గోపీచంద్ చేసుంటేనా...

ఎవరో చేయాల్సిన సినిమాలు ఇంకెవరి చేతికో వెళ్లడం ఇండస్ట్రీలో మామూలే. ఈ మధ్య రిలీజైన ‘కృష్ణాష్టమి’ సినిమా ముందు బన్నీ దగ్గరికి వెళ్లింది. తర్వాత సునీల్ దగ్గరికొచ్చింది. అంతకంటే ముందు ‘లోఫర్’ కూడా నితిన్ నుంచి వరుణ్ ‌తేజ్‌ దగ్గరికి వచ్చింది. ఆ రెండు సినిమాల ఫలితాలు చూశాక బన్నీ, నితిన్‌లిద్దరూ హమ్మయ్య అనుకునే ఉంటారు.

ఐతే ఇలా హమ్మయ్య అనిపించే సినిమాలతో పాటు.. హీరోలు రిగ్రెట్ అయ్యేలా చేసే సినిమాలు కూడా కొన్ని ఉంటాయి. ఆ కోవలోని సినిమానే.. టెర్రర్. ఈ మధ్యే విడుదలైన ఈ సినిమాకు విమర్శకుల ప్రశంసలు లభించాయి. ఫామ్‌లో లోని శ్రీకాంత్ హీరోగా చేయడం వల్ల.. సరిగా ప్రమోట్ చేయకపోవడం వల్ల.. సినిమా కమర్షియల్ సక్సెస్ కాలేదు కానీ.. ఇందులో వేరే హీరో ఎవరైనా నటించి, సినిమాను బాగా ప్రమోట్ చేసి ఉంటే.. చాలా పెద్ద హిట్టే అయ్యేది. అంత పొటెన్షియాలిటీ ఉన్న సినిమానే ఇది.

ఐతే దర్శకుడు సతీశ్ కాశెట్టి నిజానికి ఈ సినిమా చేద్దామనుకున్నది గోపీచంద్‌తోనట. అతడికి స్క్రిప్టు కూడా వినిపించాడట. కానీ సీరియస్ సినిమాలు వదిలేసి, ఎంటర్టైనర్స్ చేసుకుంటూ వస్తున్న గోపీచంద్.. ‘టెర్రర్’ చేయడానికి ఒప్పుకోలేదట. పాటలు, కమర్షియల్ అంశాలు ఏమీ లేకపోవడంతో నో అనేశాడట. దీంతో సతీశ్.. శ్రీకాంత్ దగ్గరికి వెళ్లాల్సి వచ్చింది. శ్రీకాంత్ హీరో పాత్రను చాలా బాగానే చేశాడు కానీ.. అతడి మార్కెట్ బాగా పడిపోవడం వల్ల సినిమా జనాలకు రీచ్ కాలేకపోయిది. నిజంగా గోపీనే కనుక ఈ సినిమా చేసి ఉంటే.. సినిమా రేంజే వేరుగా ఉండేది

- See more at: http://telugu.gulte.com/tmovienews/14191/If-Gopichand-Do-Srikanths-Terror-#sthash.6dMhO5eo.dpuf

బన్నీ నిర్ణయంపై ఫ్యాన్స్ అసంతృప్తి!

స్టైలిష్ స్టార్ అల్లు అర్జున్, బోయపాటి దర్శకత్వంలో తెరకెక్కుతోన్న చిత్రం 'సరైనోడు'. ఈ సినిమా ఆడియోను విడుదల చేసి ఏప్రిల్ 22న సినిమా రిలీజ్ చేయడానికి ప్లాన్ చేస్తున్నారు. అయితే చిత్ర నిర్మాతలు మాత్రం సినిమా పాటల విడుదల కోసం ఆడియో ఫంక్షన్ ఏర్పాటు చేయకుండా ఏప్రిల్ 1న నేరుగా మార్కెట్ లోకి రిలీజ్ చేస్తామని ప్రకటించారు.

ఈ విషయంపై బన్నీ అభిమానులు అసంతృప్తి వ్యక్తం చేస్తున్నారు. తమ అభిమాన నటుడి ఆడియో ఫంక్షన్ కోసం ఎదురు చూస్తున్న ఫ్యాన్స్ కు ఈ వార్త తెలిసి బన్నీ నిర్ణయం సరైనది కాదంటున్నారు. మరి బన్నీ ఫ్యాన్స్ కోసం తన నిర్ణయాన్ని మార్చుకుంటాడో లేదో చూడాలి. అయితే చిత్రబృందం ఏప్రిల్ రెండో వారంలో విశాఖపట్నంలో గ్రాండ్ గా ప్రీ రిలీజ్ ఫంక్షన్ ను ఏర్పాటు చేస్తున్నారు. ఏప్రిల్ 22న ప్రపంచవ్యాప్తంగా అత్యధిక థియేటర్లలో సినిమాను విడుదల చేసేందుకు సన్నాహాలు చేస్తున్నారు.

- See more at: http://telugu.gulte.com/tmovienews/14192/Fans-upset-with-Sarainodu-Audio-launch-cancelled-news#sthash.QowZgMe9.dpuf

బాబాయ్ నా ఇన్స్పిరేషన్ అంటున్న చరణ్!

తన కెరీర్ కు బాబాయ్ పవన్ కళ్యాన్ ఇన్స్పిరేషన్ అంటున్నాడు మెగా పవర్ స్టార్ రాంచరణ్. రీసెంట్ గా చెర్రీ హైదరాబాద్ లోని ఓ కళాశాలలో ఫంక్షన్ కు అతిథిగా వెళ్ళాడు. అక్కడ స్టూడెంట్ ను ఇన్స్పైర్ చేసేలా.. ప్రేమ గురించి పెళ్లి గురించి, చదువు గురించి మాట్లాడాడు. ప్రేమించడం తప్పు కాదని అయితే ముందు కెరీర్ బిల్డ్ చేసుకున్న తర్వాతే పెళ్లి గురించి ఆలోచించండని స్టూడెంట్స్ కు చెప్పాడు. నేను ఉపాసన ప్రేమించుకున్నప్పుడు స్టేటస్ లు చూసి ప్రేమించుకోలేదని.. స్టేటస్ లు చూసి ఎప్పుడూ ప్రేమించకూడదని చెప్పడంతో పాటు.. ఫ్యామిలీ, ఎడ్యుకేషన్, లవ్, కెరీర్ విషయంలో కేర్ తీసుకోమని స్టూడెంట్స్ కు సలహా ఇచ్చాడు.

అంతేకాకుండా తన జీవితానికి పవన్ కళ్యాన్ ఇన్స్పిరేషన్ అని కూడా చెప్పాడు. ఇరవైయేళ్ళ వయసులో చరణ్ అల్లరి చిల్లరగా తిరుగుతూ ఉండేవాడట. ఆ సమయంలో తన బాబాయ్ పవన్ కళ్యాణ్ పిలిచి గంటసేపు మాట్లాడరంట. అప్పుడే తనకు జీవితమంటే ఏంటో అర్ధమయిందని చరణ్ చెప్పాడు. అమ్మా నాన్న నా జీవితానికి ఎంత ఆదర్శమో… నా కెరీర్ కు బాబాయ్ ఇనిస్పిరేషన్ కూడా అంతే ఉందని చెర్రీ చెప్పుకొచ్చాడు.

- See more at: http://telugu.gulte.com/tmovienews/14193/Ramcharan-about-Relation-with-Pawan#sthash.3mi3NaE2.dpuf

బన్నీకు హ్యాండ్ ఇవ్వడు కదా..?

తమిళంలో సంగీత దర్శకుడు అనిరుధ్ కు మంచి క్రేజ్ ఉంది. ఇదే క్రేజ్ తో తనకు తెలుగులో పలు ఆఫర్లు వచ్చాయి. కాని అనిరుధ్ మాత్రం తెలుగు సినిమాలకు పని చేయకుండా తప్పించుకుంటున్నాడు. ముందుగా రాంచరణ్ తన 'గోవిందుడు అందరివాడేలే' చిత్రంలో అనిరుధ్ తో మ్యూజిక్ చేయించాలనుకున్నాడు కానీ కుదరకపోవడంతో తన ప్లేస్ లో యువన్ శంకర్ రాజా తో మ్యూజిక్ చేయించాడు. అలాగే నితిన్, త్రివిక్రమ్ సినిమా 'అ..ఆ' సినిమాకు అనిరుధ్ సంగీత దర్శకుడు అనుకున్నారు. కాని మధ్యలో నుండి అనిరుధ్ వెళ్ళిపోయాడు.

తాజాగా బన్నీ, లింగుస్వామీ కాంబినేషన్ లో రాబోతున్న సినిమాకు అనిరుధ్ మ్యూజిక్ చేస్తున్నాడట. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు మొదలయ్యాయి. ఈ సినిమాకైనా అనిరుధ్ మ్యూజిక్ చేస్తాడా.. లేదా మధ్యలోనే వెళ్ళిపోతాడో చూడాలి. ఈ సినిమాలో అల్లు అర్జున్ సరసన కొత్త హీరోయిన్ ను తీసుకోవడానికి ప్రయత్నిస్తున్నారు. ప్రస్తుతం బన్నీ 'సరైనోడు' సినిమాలో బిజీగా ఉన్నాడు. ఈ సినిమా పూర్తయిన వెంటనే బన్నీ, లింగుస్వామి ల సినిమా సెట్స్ పైకి వెళ్లనుంది!

- See more at: http://telugu.gulte.com/tmovienews/14195/Will-Anirudh-work-with-Allu-Arjun#sthash.R7k6wikq.dpuf

'సర్దార్‌' మూడు నిమిషాల్లో మోత మోగిపోద్ది

నలభై సెకన్ల టీజర్‌తోనే అభిమానుల్ని ఉర్రూతలూగించిన సర్దార్‌ గబ్బర్‌సింగ్‌ ఇక థియేట్రికల్‌ ట్రెయిలర్‌తో ఫాన్స్‌ ఎక్స్‌పెక్టేషన్స్‌ పీక్స్‌కి తీసుకెళ్లిపోబోతున్నాడు. 171 సెకన్ల నిడివి వుండే థియేట్రికల్‌ ట్రెయిలర్‌ చూసిన వారు ఉత్సాహం ఆపుకోలేకపోతున్నారు. ఇంతవరకు పవన్‌ సినిమాల ట్రెయిలర్లన్నీ ఒకెత్తు, ఇదొక్కటీ ఒక రేంజు అంటూ సన్నిహిత వర్గాలు ఊగిపోతున్నాయి. డైలాగుల నుంచి యాక్షన్‌ వరకు, కామెడీ నుంచి డాన్స్‌ మూమెంట్స్‌ వరకు ఏదీ మిస్‌ అవకుండా ట్రెయిలర్‌లోనే సినిమా చూపించేయబోతున్నాడట దర్శకుడు బాబీ. ఈ ఒక్క ట్రెయిలర్‌ ఓకే చేయడానికి దాదాపు యాభై కట్స్‌ రెడీ చేసి చూపించాడట ఎడిటర్‌.

ట్రెయిలర్‌తో సినిమాపై వున్న అంచనాలు అమాంతం వందింతలు పెరిగిపోవాలనేది టార్గెట్‌గా పెట్టుకుని మరీ ఈ ట్రెయిలర్‌ కట్‌ చేయించారట. ట్రెయిలర్‌ ఫైనల్‌ ఎడిట్‌ చూసిన పవన్‌కళ్యాణ్‌ కూడా చాలా ఇంప్రెస్‌ అయి బాబీని, ఎడిటర్‌ని ప్రశంసించాడట. సినిమా ఎలా వుండబోతుందో మూడు నిమిషాల్లో చూపించేసారంటూ ఇద్దరికీ కితాబులు ఇచ్చారట. ఆ ట్రెయిలర్‌ ఏంటనేది మనం చూడాలంటే మాత్రం మరి కొన్ని గంటలు వేచి చూడక తప్పదు. ఈలోగా ఆ ట్రెయిలర్‌ చూసిన వారు చేసే హైప్‌ చూసి అంచనాలు పెంచుకోవాల్సిందే.

- See more at: http://telugu.gulte.com/tmovienews/14196/Sardaar-Gabbar-singh-Trailer-length-in-3-mins#sthash.EmRC7yvS.dpuf

పవన్‌ అంతే... రెండో మాట ఉండదు

పవన్‌కళ్యాణ్‌ కనిపించగానే చిరంజీవితో సంబంధాల గురించి, రాంగోపాల్‌వర్మ ట్వీట్ల గురించి అడిగేసి, అతను టంగ్‌ స్లిప్‌ అయితే దుమారం రేపవచ్చు అని చూసిన వారికి అతను ఛాన్సే ఇవ్వలేదు. చిరంజీవితో సంబంధాల గురించి ప్రశ్న కూడా రాకుండా పవన్‌ తెలివిగా ముందే చిరంజీవిని సర్దార్‌ గబ్బర్‌సింగ్‌ ఆడియో లాంఛ్‌కి పిలిచినట్టు చెప్పాడు. అక్కడితో ఆగకుండా అన్నయ్యపై తనకున్న సెంటిమెంట్‌ని చాటుకుంటూ 'గబ్బర్‌సింగ్‌' ఆడియో కూడా ఆయనే లాంఛ్‌ చేశారని గుర్తు చేసాడు. ఇంకాస్త సెంటిమెంట్‌ జోడిస్తూ చాలా కాలం తర్వాత తను రాసిన కథ ఇదే కనుక ఈ చిత్రానికి అతిథిగా అన్నయ్య వస్తే బాగుంటుందని ఫీలయ్యానని అన్నాడు. దీంతో ఇక ప్రెస్‌మీట్‌లో చిరంజీవి ప్రస్తావన తేవాల్సిన అవసరమే మీడియాకి కనిపించలేదు.

ఇక రాంగోపాల్‌వర్మ విషయాన్ని ప్రస్తావించి, ఆయన ట్వీట్ల గురించి స్పందించమంటే ఆయన అభిప్రాయాల్ని తాను గౌరవిస్తానని పవన్‌ అన్నాడు. అంతకుమించి ఒక్క మాట కూడా లేదు. తన ట్వీట్స్‌ గురించి పవన్‌ కనుక ఏదైనా వెటకారం చేస్తే ఇక రాంగోపాల్‌వర్మకి కొన్ని రోజుల పాటు వార్తల్లో వుండడానికి స్టఫ్‌ దొరికేది. అటు వర్మకి ఆ ఛాన్స్‌ ఇవ్వకుండా, ఇటు మీడియాకి కూడా దాని గురించి కవర్‌ చేయడానికి పెద్ద విషయమేం లేకుండా పవన్‌ సింపుల్‌గా తేల్చేసాడు. దీంతో వర్మ కూడా తాను పవన్‌కి అందరికంటే పెద్ద అభిమానినని చెప్పుకుని ఆ మేటర్‌కి ఫుల్‌స్టాప్‌ పెట్టడం తప్ప దానిని ముందుకి లాగలేకపోయాడు.

- See more at: http://telugu.gulte.com/tmovienews/14197/Pawan-About-RGv-and-chiranjeevi-in-pressmeet#sthash.0QZbJHUm.dpuf

అల్లు అర్జున్‌తో చెయ్యట్లేదని తేల్చేసాడు

సూర్యతో వంద కోట్ల బడ్జెట్‌తో భారీ సినిమా ప్లాన్‌ చేస్తోన్న త్రివిక్రమ్‌ అది మొదలు పెట్టేలోగా ఆరు నెలల్లో ఒక సినిమా పూర్తి చేసేయాలని ప్రణాళిక వేసుకున్నాడు. దీంట్లో అల్లు అర్జున్‌ హీరోగా నటిస్తాడని వార్తలొస్తున్నాయి. ఈ చిత్రంలో నాగార్జునతో ఒక స్పెషల్‌ క్యారెక్టర్‌ చేయిస్తున్నారనే పుకార్లు కూడా స్టార్ట్‌ అయ్యాయి. ఊపిరి సినిమాలో కార్తీతో కలిసి నటించిన నాగార్జున ఇప్పటి యువతరంతో కలిసి పని చేయడానికి ఆసక్తిగా వున్నట్టు టాక్‌ వుంది.

ఈ నేపథ్యంలో అల్లు అర్జున్‌తో చేయడానికి నాగ్‌ అంగీకరించారనే ప్రచారం మొదలైంది. కానీ అలాంటిదేం లేదని నాగార్జున తేల్చేసారు. తనని ఎవరూ సంప్రదించలేదని, అయినా ఇప్పుడు కొత్త సినిమాలు టేకప్‌ చేసే తీరిక లేదని ఆయన చెప్పారు. రాఘవేంద్రరావు దర్శకత్వంలో భక్తిరస చిత్రం చేయబోతున్న నాగార్జున దాని తర్వాత 'సోగ్గాడే చిన్ని నాయనా' సీక్వెల్‌ అయిన 'బంగార్రాజు' చేస్తారట. ఈ రెండు చిత్రాలు పూర్తయిన తర్వాతే నాగ్‌ తన తదుపరి చిత్రం గురించి ఆలోచిస్తారట. సో అల్లు అర్జున్‌, నాగార్జున కలిసి చేస్తున్నారనే పుకార్లకి ఇక ఫుల్‌స్టాప్‌ పెట్టేసుకోవచ్చు.

- See more at: http://telugu.gulte.com/tmovienews/14198/Nagarjuna-clarifies-On-Multistarrer-rumors-with-allu-arjun#sthash.fYsOMcCs.dpuf

పవన్‌కళ్యాణ్‌ని ప్రశ్నించడానికి భయపడ్డారా?

పవన్‌కళ్యాణ్‌ చాలా కాలం తర్వాత సినిమా మీడియాని కలిసాడు. ఈమధ్య కాలంలో పొలిటికల్‌ ప్రెస్‌మీట్లు మాత్రమే పెడుతోన్న పవన్‌కళ్యాణ్‌ సినిమా మీడియాతో ముచ్చటించాడు. అయితే ప్రెస్‌మీట్‌కి సరిగ్గా రెండు గంటల ముందు న్యూస్‌ రావడంతో ఆయనని ఏమి అడగాలనే దానిపై ఎవరూ ప్రిపేర్‌ అయి వెళ్లినట్టు లేరు. ఇది సినిమా ప్రెస్‌మీట్‌ అంటూ ఇక్కడ సినిమాల గురించి మాత్రమే మాట్లాడతానని చెప్పిన పవన్‌కళ్యాణ్‌ని పదే పదే రాజకీయాలకి సంబంధించిన ప్రశ్నలే వేసారు. ఇదిలావుంటే ఈ ప్రెస్‌మీట్‌ పెట్టడానికి సరిగ్గా మూడు రోజుల ముందు నుంచీ సెట్లో కమెడియన్‌ షకలక శంకర్‌పై పవన్‌ చేయి చేసుకున్నాడనే వదంతులు వినిపిస్తున్నాయి.

దీనిని చాలా వెబ్‌సైట్లు కవర్‌ చేసాయి. అయితే ఏ ఒక్కరూ కూడా అది నిజమా కాదా అని పవన్‌కళ్యాణ్‌ అడిగే ధైర్యం మాత్రం చేయలేకపోయారు. చాలా కాలం తర్వాత తమ ముందుకి వచ్చిన పవన్‌ని కాంట్రవర్షియల్‌ క్వశ్చన్స్‌తో చిరాకు పెడితే ఎక్కడ లేచి వెళ్లిపోతాడో లేక మళ్లీ ప్రెస్‌మీట్‌ పెట్టడో అనుకున్నారో కానీ ఒక హాట్‌ టాపిక్‌ గురించి డిస్కషన్‌ రాకుండానే పవన్‌ ప్రెస్‌మీట్‌ ముగిసింది. సినిమా జర్నలిస్టులంటే జంకారని అనుకోవచ్చు. అక్కడ పొలిటికల్‌ జర్నలిస్టులున్నా కానీ ఇలాంటివి అడిగేందుకు ఎవరూ సాహసించకపోవడం విశేషమే.

- See more at: http://telugu.gulte.com/tmovienews/14199/Media-Afraid-Of-Pawan-to-ask-about-Shakalaka-Shankar#sthash.VHFJ9sxn.dpuf

పవన్ వ్యతిరేకించే చిరంజీవి, ప్రేమించే చిరంజీవి

సర్దార్ గబ్బర్ సింగ్ ఆడియో వేడుకలో మెగాస్టార్ చిరంజీవి సెంట్రాఫ్ అట్రాక్షన్ గా నిలిచాడు. అదే టైంలో చిరంజీవి పవన్ గురించి ఏం మాట్లాడతాడో అని అంతా ఆత్రుతగా ఎదురుచూశారు. అందుకు తగ్గట్టుగానే చిరు ప్రసంగా సాగింది. తన తమ్ముడి గురించి.. ఇంతకుముందు ఎన్నడూ మాట్లాడని విధంగా అతన్ని పొగడ్తలతో ముంచెత్తారు. అలాగే పవన్ కూడా తన అన్న గురించి మాట్లాడారు. ‘అన్నయ్య గురించి ఎంత మాట్లాడిన తక్కువే. అన్నయ్యపై నాకున్న ప్రేమను ఎన్నిసార్లని ప్రూవ్ చేసుకోగలను. ప్రతి సారి చెబుతున్నా. అన్నయ్య నా గుండెల్లో వున్నారు. తనపై వున్న ప్రేమను ఇంత అని చెప్పలేను’ అన్నారు.
అలాగే ‘సాధారణ కానిస్టేబుల్ కుమారుడిగా ఇండస్ట్రీలో అడుగుపెట్టి... ఈ రోజు ఓ స్టార్ గా అన్నయ్య ఎదగడానికి కారణం.. ఆయన పడిన కఠోరశ్రమే కారణం. నా లాంటి వాళ్లు ఇప్పుడు చాలా ఈజీగా స్టార్లైపోవచ్చు. దాని వెనుక అన్నయ్య పడిన శ్రమ ఎంతో వుంది. నేను హీరోగా ఎంటర్ అయినప్పుడు సినిమాలు చేయకపోయినా పర్వాలేదు... ఆయనకున్న పేరును మాత్రం చెడగొట్టరాదని అనుకున్నా. అన్నయ్య, వదిన నన్ను సినిమా హీరోగా వెళ్లాలని చెప్పినప్పుడు... పనిపాట లేకుండా తిరగుతున్న నాతో ఏదో ఓ పనిచేయించాలని వారు అలా చెప్పారనుకున్నా. కానీ... వారి నమ్మకాన్ని నేను ఎప్పుడు వమ్ము చేయలేదు. ఎంతో కష్టపడి సినిమాలు చేస్తూ వస్తున్నా’ అన్నారు.

ఇంకా పవన్ మాట్లాడుతూ ‘అన్నయ్య పగలంతా కష్టపడి ఇంటికొచ్చి అలా షూస్ తో నిద్రపోయేవారు. నేను వాటిని తొలగించినప్పుడు సాక్సుల్లో నుంచి చెమట వాసన వచ్చేది. అది నాకు సువసనలానే అనిపించేది. ఎందుకుంటే.. కష్టంలో నుంచి వచ్చిన చెమట అయినా నాకు సువసనతో సమానమే. ఆ రోజుల్లో అన్నయ్య అంత కష్టపడాల్సిన పనిలేదు. కానీ.. ఆయన మా కోసం... ఇండస్ట్రీ బాగుకోసం ఎంతో కష్టపడ్డారు. అన్నయ్య సినిమా ఇండస్ట్రీని, అలాగే ఆయన నిజాయతీ ఎంతలా వుంటుంది అనేదినికి ఓ ఉదాహరణ చెబుతాను. ఓ రోజు సినీ వారపత్రిక రోడ్డుపై పడివుంటే.. దాన్ని అందరూ తొక్కేస్తూ అలా వెళ్లిపోతున్నారు. వెంటనే అన్నయ్య చూసి.. ఆ వారపత్రిక కవర్ పేజీపై వున్న ఫొటోను తుడిచి భద్రంగా ఎత్తిపెట్టారు. అప్పుడే నాకు అర్థమైంది. అన్నయ్యకు ఇండస్ట్రీ అంటే ఎంత ప్రేమో. ఆ కవర్ పేజీలో వున్నది ఇతర హీరో అయినా... అన్నయ్య ఎంతో డెడికేషన్ తో దాన్ని తొక్కకుండా భద్రపరిచారని’ తెలిపారు.

ఇంకా మాట్లాడుతూ ‘నాకు అన్నయ్యతో రాజకీయ పరంగా విభేధాలుండొచ్చేమో కానీ.. అన్నయ్యగా మాత్రం నా గుండెల్లో వుంటాడు. దాన్ని నేను ప్రతి సారి ప్రూవ్ చేసుకోవాల్సిన అవసరం లేదు. నాకు సినీ జీవితాన్నిచ్చిన అన్న, వదినలను మరువలేను’ అన్నారు.

- See more at: http://telugu.gulte.com/tmovienews/14200/Pawan-kalyan-About-Chiranjeevi-Pawan-Sardaar-Audio-Launch#sthash.YQqNm0n8.dpuf

నిర్మాతను ముంచేసిన ‘దృశ్యకావ్యం’

చాలా మంది నిర్మాతలు ఇండస్ట్రీలోకి చాలా ప్యాషన్ తో వచ్చాం. మంచి సినిమా చేయాలనేది మా కోరిక. ఇండస్ట్రీలోకి రావడానికి పలానా వారే ఇన్ స్ఫిరేషన్ అని పాత రికార్డునే తిప్పి తిప్పి చెబుతుంటారు. అలాంటి కోవకు చెందిన నిర్మాత కమ్ దర్శకుడే బెల్లం రామకృష్ణారెడ్డి. ఇతని స్వీయ దర్శకత్వంలో వచ్చిన 'దృశ్యకావ్యం' సినిమా ఈ నెల 18న విడుదలైంది. మాది నిజంగా దృశ్యకావ్యం అంటూ ఇందులో నటించిన యాక్టర్లు మొదలుకొని.. ఈ చిత్రానికి కెప్టెన్ ఆఫ్ ది షిప్ అయిన నిర్మాత కమ్ దర్శకుడు బెల్లం రామకృష్ణారెడ్డి వరకు అందరూ చెబుతూ వస్తున్నారు.

అయితే.. వారి అంచనాలను చేరుకుందా ఈ సినిమా అంటే... కాదనే చెప్పొచ్చు. హారర్ బేస్డ్ స్టోరీలు వర్కవుట్ అవుతాయిలే అని ఎవరో ఇచ్చిన ఉచిత సలహాతో ఈనగారు 'దృశ్యకావ్యం' తీశాడు. ఈ సినిమా బాక్సాఫీస్ వద్ద ఘోరంగా దెబ్బతినింది. దాంతో ఇప్పుడు కలెక్షన్లన్నీ నిల్. సినిమాకు పెట్టిన పెట్టుబడులు కాదు కదా... కనీసం థియేటర్లో షో ఆడేందుకు క్యూబ్ కోసం కట్టిన సొమ్ములు కూడా రికవరీ కాలేదట. దాంతో నిర్మాత లబోదిబో మంటున్నాడు.

ఈ సినిమాకు బీభత్సమైన పబ్లిసిటీ కల్పిస్తామని ఈ చిత్ర పీఆర్వో మొదట నిర్మాతకు హామీ ఇచ్చాడు. అయితే నిర్మాత సామాజిక వర్గానికే చెందిన మరో వ్యక్తి పరిచయం కావడంతో.. అతని ద్వారా కొన్ని వెబ్ సైట్స్ కు యాడ్స్ రిలీజ్ చేశారు. అవేవైనా పేరొందిన సైట్లా అంటే... అదీ కాదు. ర్యాంకింగ్ లో ఎక్కడో వుండే వాటికి సదరు వ్యక్తి వెబ్ ప్రకటనలు ఇప్పించాడు. వీటితోపాటు.. తామే నెంబర్ వన్ అని డప్పుకొట్టుకుని మరో వెబ్ సైట్ కూ ఓ యాడ్ ఇచ్చాడు. ఇవేవీ దృశ్యకావ్యం సినిమాను థియేటర్లలో వుంచలేకపోయాయి. అలాగే ప్రేక్షకులను థియేటర్లకు రప్పించుకోలేక పోయాయి.

ఎన్నో ఆశలతో ఓ రెండు మూడు సినిమాలు చేసి.. మంచి పేరు తెచ్చుకుందాం అనుకున్న రామకృష్ణారెడ్డకి ఈ సినిమా నిరాశే మిగిల్సింది. కథ, కథనం, సంగీతం పేలవంగా వుంటంతో ఈ సినిమాని చూడటం టైం వేస్ట్ అనుకున్నారో ఏమో... సినిమా చూస్తుండగానే మధ్యలో చాలా మంది వెళ్లిపోయారు. ఇలాంటి డిజాష్టర్ మూవీతో నిర్మాత మరో సినిమా తీయడానికి ఎలా ముందుకు రాగలడో కాలమే నిర్ణయించాలి.

- See more at: http://telugu.gulte.com/tmovienews/14201/Huge-Losses-for-Drishya-Kavyam-Producers#sthash.e8Fu6EmQ.dpuf

అడ్రస్ లేని టాలెంటెడ్ డైరెక్టర్

‘వెన్నెల’ లాంటి సక్సెస్ ఫుల్ మూవీతో టాలీవుడ్లోకి అడుగుపెట్టాడు దేవా కట్టా. ఆ సినిమా అతడికి ఓ మోస్తరుగా పేరు తెచ్చిపెట్టింది. ఐతే దేవా కట్టా పేరు మార్మోగింది మాత్రం ‘ప్రస్థానం’ సినిమాతోనే. గత దశాబ్దంలో తెలుగులో వచ్చిన అత్యుత్తమ చిత్రాల్లో ఒకటిగా ‘ప్రస్థానం’ ప్రశంసలు దక్కించుకుంది. టాలీవుడ్‌కు ఓ గొప్ప దర్శకుడు దొరికాడని.. అతను గొప్ప స్థితికి చేరుతాడని అంతా అంచనా వేశారు. కానీ ఒకే ఒక్క సినిమా అతడి జాతకాన్ని మార్చేసింది. ‘ఆటో నగర్ సూర్య’తో ఎక్కడో ఉన్నవాడు ఎక్కడికో పడ్డాడు. ఈ సినిమాలో కూడా దేవా తన టాలెంట్ చూపించాడు కానీ.. అనివార్య కారణాల వల్ల ఆ సినిమా అనుకున్న దాని కంటే దారుణమైన ఫలితాన్ని చవిచూసింది.

ఆ తర్వాతైనా దేవా.. ఆచితూచి సినిమాలు ఎంచుకోవాల్సింది. కానీ మంచు విష్ణు ఆఫర్‌కు టెంప్ట్ అయిపోయి తమిళ హిట్ మూవీ ‘అరిమా నంబి’ రీమేక్‌కు ఓకే చెప్పేశాడు. ఆ సినిమా ఎలాంటి ఫలితాన్నందుకుందో తెలిసిందే. ఈ సినిమా హిట్టయినా దేవాకు పెద్దగా పేరేమీ వచ్చేది కాదు. ఎందుకంటే అది రీమేక్. ఐతే ఫ్లాప్ అయితే మాత్రం చెడ్డ పేరంతా మోయాలి. దేవా విషయంలో అదే జరిగింది. దీని తర్వాత దేవాను నమ్మి సినిమా చేసే నాథుడే కనిపించలేదు. ‘డైనమైట్’ చేయడానికి ముందు తన దగ్గర నాలుగు కథలు రెడీగా ఉన్నాయన్నాడు కట్టా. కానీ అందులో ఒక్కటి కూడా బయటికి తీసి సినిమా చేసే పరిస్థితి లేదు. ఎవ్వరూ దేవాను నమ్మి పెట్టుబడి పెట్టడానికి సిద్ధంగా లేరు. మొత్తానికి ఓ టాలెంట్ డైరెక్టర్.. రెండే రెండు సినిమాలతో అడ్రస్ లేకుండా పోయాడు.

- See more at: http://telugu.gulte.com/tmovienews/14203/What-Happened-to-this-talented-Director#sthash.yBdDJC1b.dpuf

అర్రే.. న్యూడ్ డ్యాన్స్ మిస్సియపోయారే

పాకిస్థాన్ క్రికెట్ ఫ్యాన్స్ బాధ వర్ణనాతీతం. టీ20 ప్రపంచకప్ మ్యాచ్లో టీమ్ఇండియా చేతిలో తమ జట్టు ఓడిందన్న బాధ ఓవైపు.. తమ దేశ హాట్ మోడల్ కందీల్ బలూచ్ న్యూడ్ డ్యాన్స్ మిస్సయిపోయామే అన్న ఆవేదన మరోవైపు. టీ20 ప్రపంచకప్ మ్యాచ్లో తమ జట్టు ఇండియాను ఓడిస్తే.. స్ట్రిప్ డ్యాన్స్ చేస్తానని కొన్ని రోజుల కిందట కందీల్ పాకిస్థాన్ అభిమానులకు బంపరాఫర్ ఇచ్చిన సంగతి తెలిసిందే.

ఇంతకుముందు 2011 ప్రపంచకప్ను భారత్ గెలిస్తే నగ్న ప్రదర్శన చేస్తానన్న భారత మోడల్ పూనమ్ పాండే.. ఆ మాట నిలబెట్టుకోలేదు. ఐతే తాను మాత్రం పాకిస్థాన్ గెలిస్తే కచ్చితంగా తమ జనాల ముందు స్ట్రిప్ డ్యాన్స్ చేస్తానని బలూచ్ చెప్పింది. తమ కెప్టెన్ అఫ్రిదికి ఓ ఫ్లయింగ్ కిస్ కూడా ఇచ్చింది. కానీ పాక్ జట్టు భారత్ను ఓడించలేకపోయింది. దీంతో బలూచ్ డ్యాన్స్ మిస్సయిపోయామని పాకిస్థాన్ అభిమానులు తెగ బాధపడిపోతున్నారు.

పాక్ మ్యాచ్ ఓడిన అనంతం తమ ఆటగాళ్లను తిట్టిపోస్తూ కందీల్ మరో వీడియో పోస్ట్ చేసింది. అఫ్రిది వేస్ట్ అని.. అతను రిటైరవ్వడం బెటరని.. టీమ్ఇండియా అద్భుతంగా ఆడిందని ఈ వీడియోలో పేర్కొంది కందీల్. భారత ఆటగాళ్లకు అభినందనలు చెబుతూ ఆమె ఓ డ్యాన్స్ వీడియో కూడా పోస్ట్ చేయడం విశేషం. కాకపోతే ఇది స్ట్రిప్ డ్యాన్స్ కాదు. మామాలు డ్యాన్సే.

- See more at: http://telugu.gulte.com/tmovienews/14204/Pak-Fans-Missed-Qandeel-Baloch-Nude-Dance#sthash.jaitAiHW.dpuf

రామ్‌ చరణ్‌ ఈసారి ఆ తప్పు చేయట్లేదు

'బ్రూస్‌లీ' చిత్రం ఫ్లాప్‌ అయినా కానీ రామ్‌ చరణ్‌కి లుక్స్‌ పరంగా బెస్ట్‌ సినిమా అనేది మాత్రం కాదనలేని నిజం. తన లుక్స్‌ పరంగా విపరీతమైన ప్రయోగాలకి వెళుతోన్న రామ్‌ చరణ్‌ 'బ్రూస్‌లీ'లో మాత్రం అలాంటివేం లేకుండా గ్లామరస్‌గా కనిపించాడు. అయితే ఈ చిత్రం తర్వాత చేయబోతున్న సినిమాలో పోలీస్‌ క్యారెక్టర్‌ అనేసరికి మళ్లీ ఎక్కడ ఈ లుక్‌ పోగొట్టుకుంటాడో, సిక్స్‌ ప్యాక్‌ అంటూ మళ్లీ 'తుఫాన్‌'కి చేసిన తప్పు ఎక్కడ చేస్తాడోనని అభిమానులు వర్రీ అయ్యారు. 'థని ఒరువన్‌' రీమేక్‌లో తన లుక్‌ ఎలా వుంటుందనేది ఇంతకాలం బయట పెట్టని రామ్‌ చరణ్‌ మల్లారెడ్డి ఇంజినీరింగ్‌ కాలేజ్‌ ఉత్సవాలకి వచ్చిన సందర్భంలో కనిపించినప్పుడు అందులో ఎలా వుంటాడనేది తేలిపోయింది.

రామ్‌ చరణ్‌ ఈ చిత్రంలో 'రచ్చ' సినిమాలో కనిపించినట్టుగా కనిపించబోతున్నాడు. హెయిర్‌ స్టయిల్‌ షార్ట్‌ చేయడం కానీ, సిక్స్‌ ప్యాక్‌ అంటూ పీక్కుపోయిన ముఖంతో కానీ చరణ్‌ కనిపించడు. థని ఒరువన్‌ తెలుగులో ఎలా తయారవుతుందనేది తర్వాతి సంగతి కానీ చరణ్‌ లుక్స్‌ పరంగా మాత్రం ఈ సినిమాపై ఫాన్స్‌ ఏమీ బెంగ పడాల్సిన పనిలేదు.

- See more at: http://telugu.gulte.com/tmovienews/14207/Ram-CHaran-ain-thani-Oruvan-Remake#sthash.qyULSIaN.dpuf

చిరంజీవి సంస్కారం.. ఒక ఫ్లాష్ బ్యాక్

మా అన్నయ్య మీద నాకెంతో ప్రేముందు ఎవ్వరికీ రుజువు చేయాల్సిన పని లేదంటూనే చిరు మీద తన ప్రేమను బాగానే చాటుకున్నాడు పవన్ కళ్యాణ్. అన్నయ్య సాక్సుల్లోంచి వచ్చే చెమట కూడా తనకు సువాసనే అంటూ గొప్ప మాట చెప్పి.. నాకు హీరో అంటే ఆయనే.. చిరునే నా దైవం అంటూ 'సర్దార్ గబ్బర్ సింగ్" ఆడియో వేడుకలో అన్నయ్యను ఓ రేంజిలో పొగిడేశాడు పవన్.

ఈ సందర్భంగా చిరంజీవి సంస్కారం గురించి చెబుతూ ఉదహరించిన ఓ సంఘటన అందరిలోనూ ఆసక్తి రేపింది. చాలా ఏళ్ల కిందట చిరంజీవి ఇంట్లో ఓ సినిమా మ్యాగజైన్ కింద పడి ఉందట. దాని ముఖచిత్రం మీద ఎవరో వేరే హీరో ఫొటో వేశారట. ఆ మ్యాగజైన్ అలా కింద పడి ఉన్నా.. ఎవ్వరూ పట్టించుకోకుండా అలా తిరిగేస్తున్నారట. ఐతే అప్పుడే అక్కడికి వచ్చిన చిరు ఆ మ్యాగజైన్ ను అలా చూసి కోప్పడిపోయాడట.

మన సినీ పరిశ్రమకు సంబంధించిన మ్యాగజైన్ ఇలా పడి ఉంటే పట్టించుకోరా.. మన తోటి హీరో ఫొటోను అలా తొక్కుకుంటూ వెళ్లిపోతారా అంటూ ఆగ్రహం వ్యక్తం చేశాడట చిరు. ఆ మ్యాగజైన్ తీసి.. దాన్ని తుడిచి టేబుల్ మీద పెట్టాడట చిరు. తన అన్నయ్యది అంత గొప్ప సంస్కారం అని.. సినీ పరిశ్రమలో ప్రతి ఒక్కరూ బాగుండాలని మనసా వాచా కర్మణా తన అన్నయ్య కోరుకుంటాడని.. అలాంటి గొప్ప సంస్కారం ఉన్న వ్యక్తి కుటుంబం నుంచి తామంతా వచ్చామని.. ఆయన దారిలోనే నడుస్తున్నామని చెప్పాడు పవన్.

- See more at: http://telugu.gulte.com/tmovienews/14208/Pawa-says-about-chiranjeevi-respect-to-other-heroes#sthash.bKeanFs2.dpuf

బాహుబలి-2లో ఇంకా క్రూరంగా ఉంటాడట

తెలుగువాడు తీస్తూ.. తెలుగువాళ్లు నటిస్తూ.. తెలుగువాళ్లు నిర్మిస్తున్న సినిమా కోసం దేశమంతా ఆసక్తిగా ఎదురు చూస్తుందని ఎప్పుడైనా అనుకున్నామా..? మన దర్శక ధీరుడు రాజమౌళి పుణ్యమా అని మన సినిమాకు అంత గుర్తింపు వచ్చింది. 'బాహుబలి'తో దేశం మొత్తాన్ని ఓ ఊపు ఊపేసిన జక్కన్న.. బాహుబలి-2 కోసం దేశమంతా ఆసక్తిగా ఎదురు చూసేలా చేశాడు. ఈ సినిమాకు సంబంధించిన ఏ చిన్న సమాచారం కనిపించినా.. వినిపించినా.. చాలా ఆసక్తిగా చూస్తున్నారు జనాలు. ఇలాంటి తరుణంలో తాను పోషిస్తున్న భల్లాలదేవుడి పాత్ర గురించి ఓ ఇంటర్వ్యూలో కొన్ని ఆసక్తికర విషయాలు చెప్పాడు రానా.

భల్లాలదేవుడి పాత్ర తొలి భాగంలో కంటే రెండో భాగంలో చాలా క్రూరంగా ఉంటుందని అతను వెల్లడించారు. జనాలు మరింతగా ఈ పాత్రను అసహ్యించుకుంటారని.. తనను చూసి అమ్మాయిలందరూ మరింతగా భయపడతారని రానా చెప్పాడు. భల్లాలదేవుడికి భార్యగా నటించే హీరోయిన్ విషయంలో సాగుతున్న ఊహాగానాల గురించి రానా మాట్లాడుతూ.. ''భల్లాలదేవుడు రొమాన్స్ చేసేది అమ్మాయిలతో కాదు.. సింహాసనంతో. బాహుబలి-2లో కొత్త పాత్రలేవైనా ఉంటే వాటిని కచ్చితంగా వెల్లడిస్తాం. దాచాల్సిన అవసరమేమీ లేదు. కాబట్టి వెయిట్ చేయండి'' అన్నాడు. తాను ఇంకా 'బాహుబలి: ది కంక్లూజన్' షూటింగ్లో పాల్గొనలేదని.. త్వరలోనే రంగంలోకి దిగుతానని రానా వెల్లడించాడు.

Previous News

- See more at: http://telugu.gulte.com/tmovienews/14209/Rana-Role-In-Baahubali-2#sthash.CBoYmHZJ.dpuf

'అటాక్' రిలీజైపోతోందోచ్..

మంచి అంచనాలున్న.. ఆసక్తి రేపిన సినిమా విడుదలకు నోచుకోకుండా అలా ల్యాబుల్లో మగ్గుతుంటే బాధేస్తుంది. రామ్ గోపాల్ వర్మ మూవీ 'అటాక్' ఆ కోవలోకే చెందుతుంది. 'రక్తచరిత్ర' తర్వాత ఫ్యాక్షనిజం బ్యాగ్రౌండ్లో వర్మ మళ్లీ ఓ సినిమా తీస్తున్నాడు అనంగానే ఈ సినిమా మీద ఆసక్తి నెలకొంది. దీనికి తోడు మంచు మనోజ్, ప్రకాష్ రాజ్, జగపతి బాబు లాంటి విలక్షణ నటుల కాంబినేషన్లో ఈ సినిమా తెరకెక్కించడంతో ఆసక్తి రెట్టింపైంది. దాదాపు ఏడాది కిందటే ఈ సినిమా ప్రేక్షకుల ముందుకు వస్తుందని అంచనా వేశారు. ట్రైలర్ రిలీజ్ చేసి కూడా చాలా నెలలైంది. కానీ సినిమా మాత్రం విడుదలకు నోచుకోలేదు. అనివార్య కారణాలతో వాయిదా పడుతూ వచ్చింది.

ఇక ఈ సినిమాను అందరూ మరిచిపోయిన టైంలో ఉన్నట్లుండి రిలీజ్ డేట్ ప్రకటించేశారు. ఇంకో పది రోజుల్లోనే.. అంటే ఏప్రిల్ 1న 'అటాక్' ప్రేక్షకుల ముందుకు రాబోతోంది. ఈ రోజే నిర్మాత సి.కళ్యాణ్ ఉన్నట్లుండి రిలీజ్ డేట్ ప్రకటించాడు. మనోజ్ సరికొత్త అవతారంలో కనిపిస్తున్న ఈ సినిమాలో ప్రకాష్ రాజ్, జగపతి బాబు కూడా అంతే కొత్తగా దర్శనమిస్తున్నారు. 'గాయం' తర్వాత జగపతి బాబు వర్మ దర్శకత్వంలో నటించింది ఈ సినిమాలోనే. మనోజ్, ప్రకాష్ రాజ్ తొలిసారి ఆయన సినిమాలో చేశారు. సురభి కథానాయికగా నటించిన ఈ చిత్రంలో 'రక్త చరిత్ర' ఫేమ్ అభిమన్యు సింగ్ విలన్ పాత్ర పోషించాడు. వడ్డే నవీన్ సైతం విలన్ గా నటించడం విశేషం.

- See more at: http://telugu.gulte.com/tmovienews/14211/Manoj-Attack-Going-to-release-on-April-1st#sthash.OU8qM29R.dpuf

Young Hero Dares In-Form Nagarjuna

Young hero Sundeep Kishan's latest flick Run has completed its censor formality and the movie has been awarded with clean U certificate. The film directed by Ani Kanneganti and co-starring Anisha Ambrose, Simha is set for release on March 23rd. Thus, Run will compete with the man in form Nagarjuna's highly anticipated flick Oopiri hitting the screens on 25th.

So, there will be only two days gap between release of these two films. Interestingly, Nagarjuna and Karthi starrer Oopiri has also got clean U certificate. This means, both these films are targeted at family audiences. However, it is a daring decision by Sundeep Kishan and his makers to clash with Oopiri which is buzzing optimistically.

Run, official remake of Malayalam hit Neram, has been made with a mediocre budget. The film's innovative posters and teasers created curiosity on the project. Nonetheless, the makers should have looked for other safe zone to release their movie, since they may not get good number of theaters due to the big arrival in the form of Oopiri.

- See more at: http://www.gulte.com/movienews/47920/Young-Hero-Dares-In-Form-Nagarjuna#sthash.XuFV27fB.dpuf

Friday, March 18, 2016

క్లీవేజ్ షోతో కరీనా మతులు పోగొట్టింది...

తమ్ముడు తమ్ముడే.. పేకాట పేకాటే..! బాలీవుడ్ హీరోయిన్లు ఫాలో అవుతున్న సూత్రమిదే. పెళ్లైనా.. పిల్లకు తల్లైనా వాళ్లు గ్లామర్ షో చేయాలనుకుంటే చేస్తారు. ఇప్పుడు కరీనా కపూర్ కూడా ఇదే చేస్తుంది. అమ్మాయిగారు సైఫ్ ను పెళ్లాడిన తర్వాత కొన్నాళ్లు గ్లామర్ షో కు దూరంగా ఉన్నారు. కానీ ఏమైందో ఏమో తెలియదు గానీ కొన్నాళ్ల నుంచి మళ్లీ రెచ్చిపోతుంది కరీనా. ప్రస్తుతం కీ అండ్ కా చిత్రంలో నటిస్తుంది బెబో. బాల్కీ తెరకెక్కిస్తున్న ఈ చిత్రంలో అర్జున్ కపూర్ హీరోగా నటిస్తున్నాడు.

కీ అండ్ కా ట్రైలర్స్, ప్రోమోస్ లో ఓ రేంజ్ లో రెచ్చిపోయింది కరీనా. తనకంటే చిన్నవాడైన అర్జున్ కపూర్ తో అదిరిపోయే రేంజ్ లో కెమిస్ట్రీ పండించింది కరీనా. భార్యాభర్తల మధ్య రిలేషన్ ను చాలా నేచులర్ గా చూపించాడు బాల్కీ. వర్కింగ్ వైఫ్ గా కరీనా నటిస్తుంటే.. ఇంట్లో ఉండే భర్తగా అర్జున్ కపూర్ నటిస్తున్నాడు. ట్రైలర్ లో కరీనా, అర్జున్ కపూర్ మధ్య వచ్చే రొమాంటిక్ సన్నివేశాలు వేడి రాజేస్తున్నాయి. సైఫ్ తో పెళ్లైన తర్వాత ముద్దులకు, హాట్ సీన్స్ కు దూరంగా ఉంటామని ఇద్దరూ అగ్రిమెంట్ చేసుకున్నారు. కానీ సైఫ్ ఆ మధ్య హీరోయిన్లతో కొన్ని రొమాంటిక్ సీన్స్ లో నటించాడు. దాంతో తన ఒట్టు కూడా తీసి గట్టుమీద పెట్టేసింది కరీనా.

ఆ మధ్య బ్రదర్స్ సినిమా నుంచి మళ్లీ గ్లామర్ షోకు తెరతీసింది కరీనా. అందులో మేరా నామ్ మేరీ సాంగ్ లో చిట్టిపొట్టి డ్రస్సుల్లో సెగలు పుట్టించింది. ఇక తాజాగా ఫెమీనా మ్యాగజైన్ కోసం మరోసారి వేడి రాజేసింది. చిట్టిచిట్టి క్యాస్ట్యూమ్స్, మతులు పోయేలా క్లీవేజ్ షోలు చూస్తుంటే కరీనా తెగింపుకు నోరెళ్లబెట్టక తప్పని పరిస్థితి. కపూర్ ఖాన్ దాన్ కోడలై ఉండి కూడా ఈ స్థాయిలో రెచ్చిపోవడం ఇప్పుడు బాలీవుడ్ లో చర్చనీయాంశంగా మారిపోయింది. చూడాలి మరి.. ఇప్పటికైనా కరీనా షోకు సైఫ్ అడ్డుకట్ట వేస్తాడో లేదంటే ఆనక మాట్లాడకుండా చూస్తుండి పోతాడో..?

- See more at: http://telugu.gulte.com/tmovienews/14169/Kareena-Hot-Photoshoot#sthash.HavrrWeL.dpuf

కుర్ర హీరోని ఎంకరేజ్ చేస్తున్న సమంత

సమంత తల్లిదండ్రులది తెలుగు నేపథ్యం వున్నా... పుట్టి పెరిగింది మాత్రం చెన్నైలోనే. అందుకే ఈ ముద్దుగుమ్మను చెన్నై పొన్ను అనే అంటారు ఇప్పటికీ. తెలుగులో స్టార్ హీరోలందరితోనూ నటించేస్తోంది ఈ చెన్నై సోయగం. మూలాలు చెన్నైతో ముడిపడి వుంటడంతో... అక్కడ కుర్రహీరోలను ఎంకరేజ్ చేయడానికి తన వంత సహాయం అందిస్తోంది. అందునా... తన తొలిచిత్రం(తెలుగులో) ‘ఏ మాయ చేశావే’ చిత్రానికి సంగీతం అందించిన ఎ.ఆర్.రెహమాన్ మేనల్లుడు జి.వి.ప్రకాష్ ను ప్రోత్సహించమంటే ఊరకే వుంటుందా. తనకు తోచిన సహాయం చేసేయదూ. అందుకే ఇప్పుడు ఈ కుర్రహీరో సినిమాను ప్రమోట్ చేయడానికి రంగంలోకి దిగింది సమంత.

సంగీత దర్శకుడిగా తనకంటూ ప్రత్యేకమైన గుర్తింపు తెచ్చుకున్న జి‌వి ప్రకాష్ కుమార్ కథానాయకుడిగా నటిస్తూ... సంగీతం అందిస్తున్న తాజా చిత్రం 'నాకు ఇంకో పేరుంది'. శ్యామ్ ఆంటోన్ దర్శకత్వం వహిస్తున్నారు. లైకా ప్రొడక్షన్ సంస్థ చిత్రాన్ని నిర్మిస్తుంది. 'త్రిష లేదా నయనతార' చిత్రంలో జి‌వి ప్రకాష్ సరసన నటించిన ఆనంది ఈ చిత్రంలో కథానాయిక. ఈ చిత్ర మోషన్ పోస్టర్ ను ప్రముఖ కథానాయిక సమంతా తన ట్విటర్ ఖాతా నుండి ఈరోజు సాయంత్రం 5 గంటలకు విడుదల చేయనుందట. ఇలా చేయడం వల్ల ఆ సినిమాకి బోల్డంత ప్రచారం వస్తుందనేది నిర్మాతల ఆశ. అలాగే జి.వి.ప్రకాష్ కూడా తగినంత పబ్లిసిటీ లభిస్తుంది. అతి త్వరలో ఆడియో విడుదల చేయడానికి సన్నాహాలు చేస్తున్నారు.

ఈ సందర్భంగా జి‌వి ప్రకాష్ మాట్లాడుతూ "యాక్షన్ అండ్ కామెడీ ఎంటర్టైనర్ మూవీ ఇది. చిత్రీకరణ బాగా జరుగింది. పోస్ట్ ప్రొడక్షన్ కార్యక్రమాలు జరుగుతున్నాయి. రజనీకాంత్ గారి 'బాషా'లో సూపర్ హిట్ డైలాగును ఈ చిత్రానికి టైటిల్ గా పెట్టాం. చిత్రంలో నా పేరు జానీ. 1980లో 'జానీ' పేరుతో రజనీకాంత్ చిత్రం ఒకటి విడుదల అయ్యింది. అలా రజనీ కాంత్ సినిమా పేరును, అతని సినిమాలోని పాపులర్ డైలాగును ఈ చిత్రానికి ఉపయోగించుకోవడం ఎంతో ఆనందంగా వుంది. సమంత మా చిత్ర మోషన్ పోస్టర్ ను విడుదల చేయనుండటం చాలా ఆనందంగా ఉంది" అన్నారు.

- See more at: http://telugu.gulte.com/tmovienews/14170/Samantha-Released-GV-Prakash-Naaku-Inko-Perundi-Movie-First-Look-Poster#sthash.q4YnWKGH.dpuf

రజినీ ఫిక్సయ్యాడు.. చూస్కో మహేష్

సూపర్ స్టార్ రజినీకాంత్ సినిమా అంటే.. సందడి కేవలం తమిళనాడుకు పరిమితం అయిపోదు. సౌత్ ఇండియా మొత్తం షేకైపోతుంది. తమిళం తర్వాత రజినీకాంత్ సినిమాలకు ఎక్కువ డిమాండ్, మార్కెట్ ఉన్నది తెలుగులోనే. ఆయన సినిమాలు ఈజీగా పాతిక కోట్ల దాకా బిజినెస్ చేస్తాయి తెలుగులో. రిలీజ్ కూడా భారీగా ఉంటుంది. మన సూపర్ స్టార్లకు ఏమాత్రం తక్కువ కాని రీతిలో థియేటర్లిస్తారు. కాబట్టి రజినీకాంత్ సినిమా వస్తోందంటే మన స్టార్లు కూడా కొంచెం ఆచితూచి అడుగులేస్తారు. పోటీగా సినిమాలు రిలీజ్ చేయరు. ఈ సమ్మర్లో రజినీ తన కొత్త సినిమా ‘కబాలి’తో పలకరించబోతున్న సంగతి తెలిసిందే. ఈ సినిమా రిలీజ్ డేట్ కూడా కన్ఫమ్ అయిపోయింది. మే 27న ప్రపంచవ్యాప్తంగా ‘కబాలి’ని రిలీజ్ చేయబోతున్నట్లు ప్రకటించాడు నిర్మాత కలైపులి థాను.

మన సూపర్ స్టార్ మహేష్ బాబు కొత్త సినిమా ‘బ్రహ్మోత్సవం’ కూడా మే నెలలోనే విడుదలకు సిద్ధమవుతున్న సంగతి తెలిసిందే. మే 6 అని.. 13 అని.. కాదు కాదు.. కృష్ణ పుట్టిన రోజు అయిన మే 31న అని.. రకరకాల రిలీజ్ డేట్లు వినిపిస్తున్నాయి ‘బ్రహ్మోత్సవం’ విషయంలో. ఐతే ‘కబాలి’ 27కు ఫిక్సయింది కాబట్టి మహేష్ చివరి వారం మీద హోప్స్ వదిలేసుకోవాల్సిందే. 6 లేదా 13 తేదీలకే ఫిక్సయితే బెటర్. రజినీ వల్ల తెలుగు మార్కెట్లో వచ్చే ఇబ్బందుల సంగతి పక్కనబెడితే.. ‘బ్రహ్మోత్సవం’ సినిమాకు తమిళ, మలయాళ భాషల్లో ఇబ్బందులు లేకుండా చూసుకోవాలి మహేష్. ఈ చిత్రాన్ని ఆ రెండు భాషల్లో కూడా పెద్ద ఎత్తున రిలీజ్ చేయాలనుకుంటున్నారు. కాబట్టి రజినీతో పెట్టుకుంటే కష్టం. కాబట్టి మే నెల ప్రథమార్ధానికే మహేష్ ఫిక్సవక తప్పదు.

నాగ్ మేనల్లుడు టైం మెషీన్ అంటున్నాడే..

టైం మెషీన్ అనగానే తెలుగు ప్రేక్షకులకు ఆటోమేటిగ్గా ‘ఆదిత్య 369’ సినిమా గుర్తుకొస్తుంది. తెలుగులోనే కాదు.. ఇండియా మొత్తంలో 90ల వరకు ఇలాంటి ప్రయోగం రాలేదు అప్పటికి. అందుకే ఈ సినిమా టాలీవుడ్లో ఓ ల్యాండ్ మార్క్ ఫిలిం అయింది. మళ్లీ అలాంటి సాహసాలు ఇంకెవరూ చేయలేదు తెలుగులో. ఇప్పుడు విక్రమ్ కె.కుమార్ కాలంలో ప్రయాణం నేపథ్యంలో ‘24’ సినిమాను తెరకెక్కించాడు. మరోవైపు బాలయ్య ‘ఆదిత్య 369’కు సీక్వెల్‌గా ‘ఆదిత్య 999’ చేయాలని ఉబలాటపడుతున్నాడు. ఐతే ఇప్పటిదాకా చెప్పుకున్న సినిమాలన్నీ సీరియస్ తరహాలో సాగేవే. ఐతే తొలిసారి టైం మెషీన్ నేపథ్యంలో తెలుగులో ఓ కామెడీ ఎంటర్టైనర్ తెరకెక్కింది. అదే.. ఆటాడుకుందాం రా.

నాగార్జున మేనల్లుడు సుశాంత్ హీరోగా తెరకెక్కిన సినిమా ఇది. కామెడీ చిత్రాల దర్శకుడు జి.నాగేశ్వరరెడ్డి దర్శకుడు. తమిళ హీరోయిన్ సోనమ్ బజ్వా కథానాయిక. ఈ సినిమా టీజర్ ఈ రోజే రిలీజ్ చేశారు. పూర్తిగా టైమ్ మెషీన్ నేపథ్యంలో సినిమా సాగేట్లు లేదు కానీ.. అది సినిమాకు కీలకం అని మాత్రం అర్థమవుతోంది. మూడు సినిమాలు చేసినా హిట్టు రుచి చూడని సుశాంత్‌కు సక్సెస్ రుచి చూపించి తీరాలన్న కసితో.. మంచి ఎంటర్టైనర్‌గా దీన్ని తీర్చిదిద్దే ప్రయత్నం చేసినట్లున్నాడు నాగేశ్వరెడ్డి. సుశాంత్ గత సినిమాలతో పోలిస్తే ఇది భిన్నంగా.. కొంచెం జోష్‌తో ఉన్నట్లు కనిపిస్తోంది. బ్రహ్మానందం, పృథ్వీ, వెన్నెల కిషోర్ లాంటి ప్రముఖ కమెడియన్లు బాగానే నవ్వించే ప్రయత్నం చేసినట్లున్నారు. మురళీ శర్మ కీలక పాత్ర పోషించాడు. ఎప్పట్లాగే సుశాంత్ తల్లి నాగసుశీలతో పాటు చింతలపూడి శ్రీనివాసరావు ఈ చిత్రాన్ని నిర్మించారు. నాగ్ సైతం నిర్మాణంలో భాగం పంచుకోవడం విశేషం. మేనల్లుడి కోసం ఈ రోజు ఆయనే స్వయంగా టీజర్ లాంచ్ చేశారు. అన్నట్లు ఈ రోజు సుశాంత్ బర్త్ డే కూడా లెండి. ఈసారైనా అతను సక్సెస్ కొడతాడేమో చూద్దాం.

ఈ ఇండ‌స్ట్రీకి ఏమైంది?

ఈ ఇండ‌స్ట్రీకి ఏమైంది. విలాస‌వంత‌మైన జీవితానికి అలవాటు ప‌డి.. అంత‌లోనే అదఃపాతాళానికి ప‌డిపోయి జీవితం ముందుకు సాగ‌లేక కొంద‌రు.. కెరీర్ లో స‌రైన బ్రేక్ రాలేద‌ని మరికొంద‌రు.. కుటుంబ క‌ల‌హాల‌తో ఇంకొంద‌రు.. ప్రేమ పేరుతో మ‌రికొంద‌రు.. నిండు జీవితాన్ని మ‌ధ్య‌లోనే తుంచేసుకుంటున్నారు. ఇండ‌స్ట్రీలో అయితే ఇది మ‌రీ ఎక్కువ‌గా ఉంది. ఆత్మ‌హ‌త్య ఇప్పుడు ఓ ఫ్యాష‌న్ గా మారిపోయింది. త‌మిళ‌నాట సీరియ‌ల్ యాక్ట‌ర్ సాయిప్ర‌శాంత్ ఆత్మ‌హ‌త్య చేసుకున్న విషయం మరిచిపోకముందే.. జెమినీ మ్యూజిక్ యాంక‌ర్ నిరోషా ఆత్మ‌హ‌త్య చేసుకుంది. ప్రేమ వ్య‌వ‌హార‌మే ఈమె మ‌ర‌ణానికి కార‌ణ‌మ‌ని అనుమానులున్నాయి. అయితే తీవ్రమైన కడుపునొప్పితో చనిపోయిందని సన్నిహితులు అంటున్నారు.

ఈ మ‌ధ్య చాలా మంది ఆత్మ‌హ‌త్య‌లకు పాల్ప‌డ్డారు. ఏ చిన్న స‌మస్య ఎదురైనా పోరాడ‌లేక జీవితాన్ని చాలిస్తున్నారు. ఆ మ‌ధ్య ఓంకార్ ఆట షో లో డాన్స‌ర్ గా మంచి పేరు సంపాదించిన భ‌ర‌త్.. ఆర్థిక ఇబ్బందులు తాళ‌లేక హైద‌రాబాద్ లోని త‌న ఇంట్లోనే ఉరి వేసుకుని ఆత్మ‌హ‌త్య చేసుకున్నాడు. ఓంకార్ షో లో కామెడీ చేస్తూ.. కొరియోగ్ర‌ఫ‌ర్ గానూ మంచి పేరు సంపాదించాడు భ‌ర‌త్. అయితే కొంత‌కాలంగా అవ‌కాశాల్లేక‌పోవ‌డం.. ఆర్థికంగా బాగా చితికిపోవ‌డంతో జీవితంపై విర‌క్తి చెంది సూసైడ్ చేసుకున్నాడు భ‌ర‌త్. సీనియ‌ర్ న‌టుడు రంగ‌నాథ్ సైతం ఆ మ‌ధ్య సుసైడ్ చేసుకోవ‌డం విచార‌క‌రం.

రంగుల జీవితాలు పైకి చూడ్డానికి అద్దాల మేడ‌లా క‌నిపిస్తాయని ఇప్ప‌టికే ఎన్నో ఉదంతాలు నిరూపించాయి. రంగ‌నాథ్, భ‌ర‌త్ ఆత్మ‌హ‌త్య‌ల‌తో మ‌రోసారి అది నిరూపిత‌మైంది. ఇద్ద‌ర‌మ్మాయిలు, ఓ కొడుకు ఉండి కూడా ఒంటరిత‌నాన్ని అనుభ‌వించారు రంగ‌నాథ్. అవ‌కాశాలు లేక‌పోవ‌డం కూడా ఆయ‌న్ని బాగా క‌లిచివేసింది. ఇలాంటి ప‌రిస్థితుల్లో అంద‌రూ ఉన్న అనాథలా ఆయ‌న వెళ్లిపోయారు. ఇంట్లోనే డెస్టినీ అంటూ త‌న త‌ల‌రాత‌ను త‌నే బ‌ల‌వంతంగా తుడిచేసుకున్నారు. అనంత‌లోకాల‌కు వెళ్లిపోయారు.

భ‌ర‌త్ జీవితం కూడా అంతే. చాలా త‌క్కువ టైమ్ లోనే బుల్లితెర ప్రేక్ష‌కుల‌కు బాగా చేరువ‌య్యాడు. డాన్స‌ర్ గా, క‌మెడియ‌న్ గా, కొరియోగ్ర‌ఫ‌ర్ గా.. చాలా రంగాల్లో నైపూణ్యం క‌న‌బ‌రిచాడు. కానీ ఏం చేస్తాం.. 34 ఏళ్ల‌కే త‌నువు చాలించాడు. రెండేళ్ల కింద‌ ఉద‌య్ కిర‌ణ్ కూడా ఇలాగే ఆత్మ‌హ‌త్య‌తో అంద‌ర్నీ విడిచి వెళ్లిపోయాడు. హ్యాట్రిక్ విజ‌యాల‌తో తెలుగు ఇండ‌స్ట్రీలోకి తారాజువ్వ‌లా దూసుకొచ్చిన ఉద‌య్.. చివ‌రికి కిర‌ణంలా మారిపోయాడు. బాలీవుడ్ లో జియాఖాన్.. టాలీవుడ్ లో సిల్క్ స్మిత‌, ఫ‌టాఫ‌ట్ జ‌య‌ల‌క్ష్మి, దివ్య‌భార‌తి.. ఇలా చెప్పుకుంటూ పోతే రంగుల జీవితాల్లో న‌ల్ల‌మ‌చ్చ‌లు ఎన్నో క‌నిపిస్తాయి. మొత్తానికి స‌మ‌స్య‌ల‌కు ఆత్మ‌హ‌త్య ప‌రిష్కారం కాక‌పోయినా.. మ‌నోవేద‌న‌తో క్షణికావేశంలో నిండు జీవితాల్నినిలువునా వ‌దిలేస్తున్నారు వీళ్లంతా. ఇక‌నైనా ఈ విషాదాల‌కు ఫుల్ స్టాప్ ప‌డాల‌ని కోరుకుందాం..!

యూట్యూబ్‌కి పవర్ చూపిస్తున్నాడు

పవర్ స్టార్ పవన్ కళ్యాణ్ రంగంలోకి దిగితే.. రికార్డుల మోత మోగాల్సిందే. ‘సర్దార్ గబ్బర్ సింగ్’కు సంబంధించి ఊరికే ఓ మేకింగ్ వీడియో రిలీజ్ చేసినా.. అది కూడా యూట్యూబ్‌లో రికార్డులు క్రియేట్ చేసింది. ఇక టీజర్ వదిలితే రికార్డులు బద్దలవక ఏమవుతాయ్ చెప్పండి. మొన్న మధ్యాహ్నం ‘సర్దార్..’ ఆడియో టీజర్ రిలీజ్ చేసిన సంగతి తెలిసిందే.

అది రెండు రోజుల వ్యవధిలో యూట్యూబ్ సింగిల్ ఛానెల్లో 10 లక్షల వ్యూస్ మార్కును అందుకుంది. దాదాపు 44 వేల దాకా లైక్స్ కూడా పడ్డాయి ఈ టీజర్‌కి. తెలుగులో ఇంకే సినిమా టీజర్.. ఇంత వేగంగా ఇన్ని వ్యూస్, ఇన్ని లైక్స్ సంపాదించలేదు. మరోవైపు నిన్న రిలీజ్ చేసిన ‘సర్దార్..’ హిందీ టీజర్‌కు సైతం రెస్పాన్స్ బాగానే ఉంది. ఒక్క రోజు వ్యవధిలో 2.5 లక్షల మంది దాకా సర్దార్.. హిందీ టీజర్‌ను వీక్షించారు.

తెలుగు టీజర్‌తో పోలిస్తే హిందీ టీజర్‌ను భిన్నంగా రూపొందించిన సంగతి తెలిసిందే. తెలుగులో రిలీజ్ చేసింది ఆడియో టీజర్. అందులో పవన్ అల్లరి వేషాలు.. డ్యాన్సులు అవీ చూపించారు. ఐతే హిందీలో రిలీజ్ చేసింది యాక్షన్ టీజర్. ఫైట్ల మీద ఫోకస్ పెట్టారు. రెండు వేటికవే భిన్నంగా ఉండి జనాల దృష్టిని ఆకర్షించాయి. హిందీ టీజర్ రిలీజయ్యాక ట్విట్టర్లో అది నేషనల్ లెవెల్లో ట్రెండవడం విశేషం. ఈ నెల 20న ‘సర్దార్ గబ్బర్సింగ్’ ఆడియో రిలీజవబోతుండగా.. ఏప్రిల్ 8న తెలుగు, హిందీ భాషల్లో సినిమా ప్రేక్షకుల ముందుకు రాబోతోంది.