#ref-menu
తెలుగువాడు తీస్తూ.. తెలుగువాళ్లు నటిస్తూ.. తెలుగువాళ్లు నిర్మిస్తున్న సినిమా కోసం దేశమంతా ఆసక్తిగా ఎదురు చూస్తుందని ఎప్పుడైనా అనుకున్నామా..? మన దర్శక ధీరుడు రాజమౌళి పుణ్యమా అని మన సినిమాకు అంత గుర్తింపు వచ్చింది. 'బాహుబలి'తో దేశం మొత్తాన్ని ఓ ఊపు ఊపేసిన జక్కన్న.. బాహుబలి-2 కోసం దేశమంతా ఆసక్తిగా ఎదురు చూసేలా చేశాడు. ఈ సినిమాకు సంబంధించిన ఏ చిన్న సమాచారం కనిపించినా.. వినిపించినా.. చాలా ఆసక్తిగా చూస్తున్నారు జనాలు. ఇలాంటి తరుణంలో తాను పోషిస్తున్న భల్లాలదేవుడి పాత్ర గురించి ఓ ఇంటర్వ్యూలో కొన్ని ఆసక్తికర విషయాలు చెప్పాడు రానా.
భల్లాలదేవుడి పాత్ర తొలి భాగంలో కంటే రెండో భాగంలో చాలా క్రూరంగా ఉంటుందని అతను వెల్లడించారు. జనాలు మరింతగా ఈ పాత్రను అసహ్యించుకుంటారని.. తనను చూసి అమ్మాయిలందరూ మరింతగా భయపడతారని రానా చెప్పాడు. భల్లాలదేవుడికి భార్యగా నటించే హీరోయిన్ విషయంలో సాగుతున్న ఊహాగానాల గురించి రానా మాట్లాడుతూ.. ''భల్లాలదేవుడు రొమాన్స్ చేసేది అమ్మాయిలతో కాదు.. సింహాసనంతో. బాహుబలి-2లో కొత్త పాత్రలేవైనా ఉంటే వాటిని కచ్చితంగా వెల్లడిస్తాం. దాచాల్సిన అవసరమేమీ లేదు. కాబట్టి వెయిట్ చేయండి'' అన్నాడు. తాను ఇంకా 'బాహుబలి: ది కంక్లూజన్' షూటింగ్లో పాల్గొనలేదని.. త్వరలోనే రంగంలోకి దిగుతానని రానా వెల్లడించాడు.
భల్లాలదేవుడి పాత్ర తొలి భాగంలో కంటే రెండో భాగంలో చాలా క్రూరంగా ఉంటుందని అతను వెల్లడించారు. జనాలు మరింతగా ఈ పాత్రను అసహ్యించుకుంటారని.. తనను చూసి అమ్మాయిలందరూ మరింతగా భయపడతారని రానా చెప్పాడు. భల్లాలదేవుడికి భార్యగా నటించే హీరోయిన్ విషయంలో సాగుతున్న ఊహాగానాల గురించి రానా మాట్లాడుతూ.. ''భల్లాలదేవుడు రొమాన్స్ చేసేది అమ్మాయిలతో కాదు.. సింహాసనంతో. బాహుబలి-2లో కొత్త పాత్రలేవైనా ఉంటే వాటిని కచ్చితంగా వెల్లడిస్తాం. దాచాల్సిన అవసరమేమీ లేదు. కాబట్టి వెయిట్ చేయండి'' అన్నాడు. తాను ఇంకా 'బాహుబలి: ది కంక్లూజన్' షూటింగ్లో పాల్గొనలేదని.. త్వరలోనే రంగంలోకి దిగుతానని రానా వెల్లడించాడు.
No comments:
Post a Comment